Jasna poražka pola načolnika

štwórtk, 19. januara 2023
artikl hódnoćić
(0 )
W hrě Łužiskich lodohokejowych liškow přećiwo Huskyjam z Kassela wojuja wo čornu tačel Joel Keussen (7, Kassel), Clarke Breitkreuz (71, Běła Woda) a Jerry Kuhn (35, Kassel).  Foto: Thomas Heide W hrě Łužiskich lodohokejowych liškow přećiwo Huskyjam z Kassela wojuja wo čornu tačel Joel Keussen (7, Kassel), Clarke Breitkreuz (71, Běła Woda) a Jerry Kuhn (35, Kassel). Foto: Thomas Heide

EC Kassel Huskies –

Łužiske lodohokejowe liški 4:1 (0:0, 2:1, 2:0)

Liški njemóžachu ze sewjerneje Hessenskeje tón raz ničo sobu domoj wzać. Z tym móžachu Huskije dalšu hóčku na swojej rekordnej hońtwje sčinić. 13 dobyćow zasobu, a nětko tež přećiwo Liškam triumf. A najebać znowa dobry defensiwny wukon Liškow běchu to Huskije, kiž hru wot spočatka sem přewzachu. Drje přińdźe Běła Woda w druhim wotrězku lěpje do hry a dźěše tež překwapjace přez Huntera Garlenta do nawjedowanja. Ale 18 swójskich třělwow na wrota je potom pola načolnika tabulki tola přemało, zo by so něšto ličomneho sobu wzało. Na kóncu směš Liškam za porjadnu wonkownu hru pola načolnika gratulować, ale za to žane dypki. Pobrachuje přeco hišće na přesadźenju před wrotami. EC Kassel pokaza, čehodla wone z 20 dypkami předskoka na čole tabulki steja.

Liški so

njemytowachu

ESV Kaufbeuren –

Łužiske lodohokejowe liški 2:1

(1:0, 1:1, 0:0)

wozjewjene w: Sport
Prošu přizjewće so, chceće-li komentar podać

Serbska debata

nowostki LND