HZ Unterhaching –
FC Energija Choćebuz 2:0 (1:0)
Zestawa hosći: Bethke – Hasse (46. Milde), Hildebrandt, Slamar, Borgmann, Eisenhuth, Badu (58. Wähling), Hofmann, Shcherbakovski (62. Heike), Thiele (92. Oesterhelweg), Hottmann
wrota: 1:0 Fetsch (17.), 2:0 Skalartidis (93.)
přihladowarjo: 12 500, mjez nimi něhdźe 5 000 Choćebužanow
Tehdy přesadźi so FCE w dwěmaj relegaciskimaj hromaj přećiwo Weiche Flensburg z 3:2 a 0:0 a postupi do 3. ligi.
Aktualny přećiwnik Unterhaching měješe w prěnjej hrě lěpši taktiski koncept, pokaza skutkowniše kombinacije a docpě na kóncu štyri pólne wrota, na kóždy pad polěkowane přez złe wotwobaranske zmylki Łužičanow.
We wróćohrě bě bohužel zwěsćić, zo njeměješe žadyn akter Choćebuskeho mustwa normalnu formu. Tež personalne přestajenja trenarja so njeporadźichu. Nowaj hrajerjej mjez prěnimi jědnaćomi Malcom Badu a Jan Shcherbakowski postaraštaj so drje wo trochu wjace hibanja w nadběhu, tola wuwostajištaj dwě z mało wulkošansow. Hłójčkowany bul njenamaka w 14. min. swój cil.
