Energija ze špatnym startom

póndźela, 31. januara 2022
artikl hódnoćić
(0 )
Tež třělwa Axela Borgmanna (čo. 20, Choćebuz) bu wot škitarjow FC Carl Zeiss Jena blokowana.  Foto: Georg Zielonkowski Tež třělwa Axela Borgmanna (čo. 20, Choćebuz) bu wot škitarjow FC Carl Zeiss Jena blokowana. Foto: Georg Zielonkowski

FC Energija Choćebuz – FC Carl Zeiss Jena 0:1 (0:1)

Zestawa domjacych: Stahl – Hasse (84. Böhmert), Eisenhuth, Hildebrandt, Borgmann, Kujovć (60. Putze), Erlbeck, Proničew, Schulz (60. Kremer), Engelhardt, Zografakis

wrota: 0:1 Fabian Eisele (38.)

Nic jenož wuslědk, tež wukon hosćićela na hrajnišću bě za 1 000 dowolenych přihla­dowarjow přesłapjacy. FC Energija njeje so ženje do hry namakała. Hosćo pak pokazachu wokřewjacu hru w ofensiwje. Tak so rumy za hraće za FCE přeco zaso pomjeńšichu. K tomu přidružichu so špatne přihrawki a domjacym hrajerjam pobrachowaše trěbna wola za do­byće. Tajku pak mějachu na hrajnišću hosćo z Durinskeje. W Choćebuzu poradźi so jim rewanša za poražku 0:1 doma w Jenje a wuslědk by hišće jasnišo wupadnyć móhł. Toni Stahl we wrotach Energije pak wysokej poražce zadźěwa, jako wón štyri do šěsć tak mjenowanych „stoprocentnych“ šansow wotwobara.

wozjewjene w: Sport
Prošu přizjewće so, chceće-li komentar podać

nawěšk

nowostki LND