Prěnje wurisanje lěta při wysokim saku

póndźela, 07. februara 2022
artikl hódnoćić
(0 )
Wolejbulisća SJ Chrósćicy su minjenu póndźelu 5. ptačokwasny wolejbulowy turněr w Kulowskej ćěłozwučowarni mjez štyrjomi wólnočasnymi cyłkami dobyli. Běchu to: stejo wotlěwa Markus Kuspar, Roman Nuk, Edward Bogusz, Józef Krawc, Caspar Dźisławk; klečo wotlěwa Roland Brězan a Richard Funken. Foto: Měrko Korjeńk Wolejbulisća SJ Chrósćicy su minjenu póndźelu 5. ptačokwasny wolejbulowy turněr w Kulowskej ćěłozwučowarni mjez štyrjomi wólnočasnymi cyłkami dobyli. Běchu to: stejo wotlěwa Markus Kuspar, Roman Nuk, Edward Bogusz, Józef Krawc, Caspar Dźisławk; klečo wotlěwa Roland Brězan a Richard Funken. Foto: Měrko Korjeńk

Chróšćenjo 5. ptačokwasny wolejbulowy turněr w Kulowje dobyli

Prěni wólnočasny wolejbulowy turněr serije „top-šěsć“ 2022 w Kulowje dobychu sportowcy SJ Chrósćicy před wučerjemi Serbskeho gymnazija Budyšin (SGB) a prěnim zastupnistwom Žołto-módrych Kulow.

Předsyda sportoweje jednotki Žołto-módri Kulow Roland Stiebitz witaše minjenu póndźelu štyri wolejbulowe wólnočasne mustwa na 5. ptačokwasny turněr w tamnišej sportowni. Poslednje tajke wubědźowanje wotmě so před lětomaj, a to na samsnym městnje. Tak běchu wšitcy přitomni wjesołe, pod wuměnjenjemi 2G+ při wysokim saku sportować móc. Škoda, zo njemóžachu so wólnočasni wolejbulisća Viktorije Worklecy, mustwo 12/96 a ST 1922 Radwor, na turněrje wobdźělić. Tak wuhrachu jenož štyri cyłki, po modusu kóždy přećiwo kóždemu, dwě sadźbje do 15 dypkow swojeho dobyćerja.

wozjewjene w: Sport
Prošu přizjewće so, chceće-li komentar podać

Serbska debata

nowostki LND