Widźał, słyšał, napisał (14.02.22)

póndźela, 14. februara 2022
artikl hódnoćić
(0 )
Awtor dźensa Beno Šołta

Ach, kak sym so wjeselił za 15lětnu Kamilu Walijewu, kiž je při krasno­smykanju jasnje dobyła, dokelž je wosebitu figuru, wjerćenje, prěni raz tak zmištrowała, zo je so w běhu jednoho skoka hnydom štyri króć wo swójsku wósku wjerćała a potom tež hišće bjez zmylka přizemiła. Wona běše prěnja žona, kiž je to tak zamóhła. A je swój ruski team k złotu wjedła. Dotal pak njeje medalja sydała. Wumjetuja Walijewej wužiwanje trimetacidina. Za schorjenje angina pectoris wužiwany medikament móže pak tež wutrajnosć polěpšić a je tohodla za profijow zakazany. Chibazo maš jasny dopo­kaz, zo jón trjebaš. Nětko su, kaž prajene, wozjewili, zo bě dopingowy test z decembra pozitiwny.

Prošu přizjewće so, chceće-li komentar podać

Serbska debata

nowostki LND