FSV Łuty –

ST 1922 Radwor 1:1 (0:0)

Zestawa hosći: Pěčak – B. Grubert, Omran, M. Dźisławk, Wjeńka, Wjacławk, Schöne (72. Nuk), Adam, Glücklich, Wencel, C. Dźisławk (86. Krječmar)

Tydźeń wob tydźeń pokazuja koparjo z Radworja dobre wukony, wuslědki pak tomu bohužel njewotpowěduja. Přećiwo předposlednjemu tabulki dyrbješe so to změnić.

Radworčenjo hru zwjetša kontrolowachu. Hdyž pak mějachu bul, pobrachowachu jim ideje, zo bychu spěšnje před wrota hosćićelow přišli. Stajachu Łutowčanow tak masiwnje pod ćišć, zo tući zwjetša jenož dołhe bule hrajachu. Te Radworski škit bjez problemow wotpopadny. Domjacy pak sej přez njekoncentrowanosć Radworčanow šansy wuhrachu. Jónu Caspar Dźisławk škitny rjećaz sam přeběža. Wrotarja pak w prěnim pospyće přewinyć njezamó. Při druhim pospyće dósta Matej Wjeńka bul před noze, třěli pak jón njezbožownje přez wrota. Tuž njemóžeše mustwo trenarja Petera Grenzemanna ze zasłuženym nawjedowanjom do połčasa hić.