Šansu na postup do sakskeje ligi je sobotu prěnje wolejbulowe mustwo muži Viktorije Worklecy jako druhi sakskeje klasy stafla wuchod měło. Relegacisku hru přećiwo 1. VV Freibergej pak 1:3 (25:22, 16:25, 19:25, 20:25) w Ralbicach přěhrachu. Z tym wostanu Wotrklečenjo dalše lěto w sakskej klasy.

Po dwanaće lětach je so FC Energija Choćebuz zaso do druheje najwyšeje koparskeje klasy Němskeje nawróćiła. 8000 přiwisnikow z Łužicy bě sej sobotu na hru do Regensburga dojěło. Serbski wutrajnostny sportowc, Stefan Möller, bě so tam z kolesom podał: „Sym štwórtk startował a prěnja etapa wjedźeše hač do Plzena. Pjatk sym potom do Regensburga dojěł. Wšo dohromady bě to 350 kilometrow a 5000 wysokostnych metrow..“

Dalše koparske wuslědki: Budissa Budyšin – Germania Halberstadt 3:1 (1:1), Kśišow – Biskopicy 1:1 (0:1) a Nowosólc-Hródk – Němske Pazlicy 2:0 (1:0).