Štyri šulerske cyłki přewjedźechu do nazymskich prózdnin na Budyskej Młynkec łuce šulske regionalne finale w kopańcy w starobnej klasy I.

Šulerjo 11. a 12. lětnika gymnazijow kaž tež powołanskeje šule z Wojerec wubědźowachu so po modusu „kóždy přećiwo kóždemu“. Za Budyski wokrjes nastupichu šulerjo Serbskeho gymnazija Bu­dyšin (SGB). Woni běchu so z dobyćom na wokrjesnej runinje kwalifikowali. Zamołwity wučer Damian Bogusz měješe sylny kader k dispoziciji, zestajeny z koparjow serbskich sportowych towarstwow a Budissy Budyšin. Bjez jeničkich přećiwnych wrotow z předkoła nastu­pichu serbscy gymnaziasća połni sebje­wědomja přećiwo powołanskim šulerjam z Wojerec kaž gymnaziastam z Wodowych Hendrichec a ze Zhorjelca.

Serbski gymnazij Budyšin – Powołanska šula „Konrad Zuse“ Wojerecy 0:0

Po wulosowanju dyrbjachu so serbscy gymnaziasća wokoło kapitana Johan­ne­sa Jatzwauka hnydom w prěnjej hrě turněra z Wojerowskim zastupnistwom mě­rić­. Bogusz žadaše sej połnu koncentra­ciju wot prěnjeje mjeńšiny.

Katastrofalny defensiwny wukon

wutora, 16. oktobera 2018 spisane wot:

Sokoł Ralbicy/Hórki

– ST Bukecy 3:4 (3:3)

Zestawa domjacych: Schöne – K. Matka, Schultz, Šewc, Hilbich (46. Bejmak), Šołta, Korjeńk, M. Matka (65. Bjeńš), Rawš, M. Kurjat, G. Kurjat (60. Domaška)

Při kejžorskim nazymskim wjedrje kaž hižo loni wotmě so spočatk požnjenca w Biskopicach pjaty wosebity běh ze zadźěw­kami pod hesłom „Schiebock läuft extrem“ po 4 km dołhim koło­kursu Bisko­pičanskeho měšćanskeho parka podłu rěki Wjazeńcy (Wesenitz).

Na tutym kołokursu z mnohimi a lětsa dalšimi nowy­mi zadźěwkami dyrbjachu běharjo swoju spěšnosć, wutrajnosć a wosebje tež wušiknosć na štyrjoch abo wosom kilometrach dopokazać. Atleća startowachu jednotliwje, stajnje we wotstawku ­sydom sekundow.

Na 4 km je 499 starterow (mjez nimi 260 žónskich) swoje koło zmištrowało, na 8 km wojowaše 240 atletow (z tych 68 běharkow), štož běše rekordne wobdźělenje z 837 atletami. Aktiwni běchu hłownje ze Sakskeje a z Braniborskeje a mjez nimi wubědźowaše so tež zaso horstka serbskich entuziastow, a to hłownje na 8 km. Najspěšnišej na kołokursomaj bě­štaj Adolf Swen (0-See-Sport/38:35 min) a Sophia Masur ze Załomja (44:48 min).

Doma zaprajili a wonka dobyli

wutora, 16. oktobera 2018 spisane wot:

FSV Budissa Budyšin

– 1. FC Lok Lipsk 0:2 (0:1)

Zestawa domjacych: Ebersbach – Patka, Hoßmang, Weiß (79. Mietzelfeld), Kral, Ciapa, Schlicht, Treu, Schmidt, Merkel (58. Bär), Bönisch (75. Langr)

Přećiwo naraženemu cyłkej Lok Lipska chcychu koparjo Budissy Budyšin połnje dypkować. Wobě mustwje dźěštej pak jara­ kedźbliwje do hry. Hakle poněčim wobě spěšnosć powjetšištej. Po strašnje třělenym wólnym kopje bě Nicky Adler k 0:1 na městnje (35.). To njebě žane dobre znamjo hosćićelej.

W druhim połčasu chcyše trenar Budis­sy Torsten Gütschow wjace ćišća na hosći wukonjeć. Nětko 706 přihla­do­warjow dožiwi, kak steješe Lok-wrotar Lukas Wenzel w srjedźišću. Najprjedy wotwobara wón hłójčkowany bul Mateusza Ciapy (65.), na to dalši Tonyja Schmidta (68.). Partija bu twjerdša, a Johann Weiß dyrbješe zranjeny z hrajnišća (78.). Nimo toho­ přijědźechu tři cho­robne awta do stadiona, dokelž bě so něšto­ na tribunje stało. Dźesać mjeńšin do kónca padny 0:2 (83.) Po róžku zhłójčkowa Ryan Patrick Malone bul do wrotow Maika Ebersbacha. Krótko po tym dyrbješe Torsten Gütschow na tribunu, dokelž bě so wón pola sudnika Pascala Wiena chětro hóršił (86.).

Wuslědki (16.10.18)

wutora, 16. oktobera 2018 spisane wot:

Kopańca

wokrjesna wyša liga

Wojerecy – Germania Budyšin 2:3 (2:1)

Połčnica – Porchow1:3 (1:0)

Kulow – Kumwałd3:2 (2:2)

Hory – Hnašecy-Dobruša 3:1 (1:0)

Sokoł Ralbicy/Hórki – Bukecy 3:4 (3:3)

Großnaundorf – Rakecy  0:5 (0:4)

Němske Pazlicy – Radwor 3:2 (0:0)

Ramnow – Kinspork/Łužnica 3:0 (1:0)

1. Rakečanske ST 8 25 : 3 24

2. LSV Hory 8 20 : 8 17

3. Póst Germania Budyšin 8 22 : 15 16

4. Drohotka Ramnow 8 16 : 10 16

5. Módro-běli Kulow 8 18 : 10 15

6. Sokoł Ralbicy/Hórki 8 17 : 13 14

7. Wojerowski FC 8 21 : 13 12

8. SG Großnaundorf 8 18 : 17 12

9. ST Kinspork/Łužnica 8 14 : 13 12

10. TSV Połčnica 8 15 : 15 12

11. Natwar Němske Pazlicy 8 11 : 10 11

12. ST Hnašecy-Dobruša 8 16 : 20 7

13. Motor Kumwałd 8 10 : 23 7

14. Zeleno-běli Bukecy 8 11 : 32 4

15. ST Porchow 8 8 : 24 3

16. ST Radwor 8 8 : 24 1

wokrjesna liga, stafla 2

Wojerowski FC II – Malešecy 1:1 (1:1)

Łaz/Běły Chołmc – Chrósćicy II 6:0 (4:0)

Wulka Dubrawa – Wulke Ždźary 2:3 (2:2)

Rakecy II/Šćeńca – Łuty 1:6 (0:2)

Mały Wosyk – Marijina hwězda 0:8 (0:3)

Njebjelčicy – Ćisk II1:4 (1:2)

1. ST Marijina hwězda 7 22 : 4 18

2. ST Ćisk II 7 20 : 5 18

3. HZ Łaz/Běły Chołmc 8 22 : 8 17

4. HZ Wulke Ždźary 8 13 : 6 16

5. Traktor Malešecy 7 14 : 8 14

6. ST Lubuš 7 15 : 7 13

7. Wojerowski FC II 8 12 : 10 12

8. FSV Łuty 7 17 : 9 11

9. ST Wulka Dubrawa 8 16 : 16 11

10. SV Haselbachtal 7 9 : 12 9

11. SJ Njebjelčicy 7 7 : 12 8

12. SJ Chrósćicy II 7 7 : 16 4

13. ST Nadrózna Hrabowka 6 5 : 16 3

14. ST Mały Wosyk 8 7 : 34 3

15. HZ Rakecy II/Šćeńca 8 3 : 26 0

Kanterowe dobyće w derbyju

póndźela, 15. oktobera 2018 spisane wot:

ST Mały Wosyk

– ST Marijina hwězda 0:8 (0:3)

Zestawa hosći: Schmidt – Wróbl, Škoda, Rab, R. Cyž (58. Jurš), Peschmann, Pjetaš (65. Bělk), Hawš, Ch. Cyž, Zelnak (56. Eldor), Pakoßnick

Na wosmym hrajnym dnju wokrjes­neje koparskeje ligi wotmě so skónčnje dołho wočakowany němsko-serbski derby susodow. ST Marijina hwězda wšak bě wulki faworit. Wot prěnjeje hač do poslednjeje mjeńšiny wona w tej róli tež wosta a je přećiwo underdogej jasnje doby­ła. Prěnje wrota we 8. min. dźěchu na konto Oskara Hawša. 0:2 (15.) bě Feliks Pjetaš cyle jednorje raz ze zdalenosće 16 metrow na wrota třělił. Bul dótkny so wjacore razy zemje a prasny wot nutřkowneje žerdźe do saka. Spěšna a direktna hra hosći wobradźeše koparjam z Małeho Wosyka wulke problemy. Nimale kóždu mjeńšinu mějachu Pančičenjo šansu na 3:0. Zwrěšćichu pak na swójskej lochkomyslnosći abo na jara derje dźeržacym wrotarju domjacych Dominiku Andersu. Ale hišće do połčasa třěli Jakob Pakoßnick 0:3 (39.), a to po jara dobrej přihrawce Pjetaša.

Serbska triatletka Beata Čórlichec z Kölna je w nocy na njedźelu swój wosobinski rekord na najćešim triatlonje swěta­ na kupje Hawaii polěpšiła. Rodźena Němčanka přeprěči cilowu liniju po 3,8 km we wodźe, 180 km na kolesu a ma­rathonje 42,195 kilometrow po dźesać hodźinach a 27 minutach. Beata Čórlichec bě so hižo štwórty raz na Ironmanje Hawaii wobdźěliła. Foto: Jana Wersch

Prěni wólnočasny wolejbulowy turněr serije „Top šěsć“ skónči so w Radworju z dobyćom mustwa 12/96 před ST 1922 Radworjom a wučerjemi Serbskeho gymnazija.

Kaž loni skónči so prěni tradicionalny wolejbulowy turněr wólnočasnych mustwow tónraz znowa ze snadnym dobyćom abiturientow Serbskeho gymnazija Budyšin (SGB) z lěta 1996. Mustwo 12/96 přesadźi so snadnje z lěpšej diferencu dźewjeć małkich dypkow před hosćićelom ST 1922 Ra­dwor.

Cyłkownje bě sej pjeć mustwow do Radworskeje „Slavije“ dojěło, zo bychu po dwójce sydom mjeńšinach hrajneho časa dobyćerja zwěsćili. Škoda, zo nje­móžeštej so zastupnistwje z Worklec a Chrósćic pobrachowacych hrajerjow dla wobdźělić. Třeće městno zawěsćichu sej wučerjo SGB, kotřiž běchu bjez třoch nadběhowarjow (Čižank, Bogusz, Friedrich) nastupili. Tak falowachu tež jim sylni blo­kowarjo. Kaž finalna partija skónči so hra wo městno štyri z nje­roz­sudnym wuslědkom. Mustwo chóra Meja přesadźi so w prěnjej sadźbje přećiwo Žołto-módrym Kulow ze 14:11, woteda pak druhi přechod z 10:13. Na kóncu mě­ja­chu Radworčenjo jednu dobytu sadźbu wjace na konće, a to z třomi hrajerkami.

Jasnu poražku poćerpjeli

póndźela, 15. oktobera 2018 spisane wot:

HZ Łaz/Běły Chołmc

– SJ Chrósćicy II 6:0 (4:0)

Zestawa hosći: Cyž – Dórnik, Mark, Bětnar, Lešawa, L. Zahrodnik (71. M. Donat), Wowčer (46. Špitank), G. Zahrodnik, Šołta, Liznar (71. Šmit), J. Donat

Sport (12.10.18)

pjatk, 12. oktobera 2018 spisane wot:

Motocrossowe wubědźowanje

Při starej tankowni w Sepicach přewjedu jutře motocrossowe wubědźowanje „Cross Country Sepicy“. Zarjadowar je motorsportowe towarstwo Quad Point Sepicy. Prěnje wubědźowanje započnje so w 9.30 hodź., dalšej stej w 11 hodź. a 13 hodź. Wulke endurowurisanje budźe w 14 hodź. Mytowanje dobyćerjow je za 16.10 hodź. planowane.

MC Jawora poskići kurs

Motorsportowy klub MC Jawora poskići wšitkim staršim a jich dźěćom kurs za započatkarjow. Termin je 14. oktober 2018. Přizjewić smědźa so holcy a hólcy w starobje pjeć do dwanaće lět, a to z pomocu přizjewjenskeho formulara, kotryž steji na internetnej stronje MC Jawory.

Kónctydźenska kopańca

Po tydźenskej přestawce pokalneho koła dla hraja koparjo na wokrjesnej runinje zaso wo dypki.

13.10.  13:00  SV Liegau-Augustusbad     – SJ Njebjelčicy II

13.10.  15:00  Módro-běli Kulow

  – Motor Kumwałd

13.10.  15:00  HZ Łaz/Běły Chołmc

  – SJ Chrósćicy II

13.10.  15:00  ST Mały Wosyk

  – ST Marijina hwězda

14.10.  13:00  Sokoł Ralbicy/Hórki

  – Zeleno-běli Bukecy

14.10.  15:00  SG Großnaundorf

  – Rakečanske ST

14.10.  15:00  Natwar Němske Pazlicy

  – ST Radwor

14.10.  15:00  SJ Njebjelčicy – ST Ćisk II

Krajne pokalne koło

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND