Zazběh z poražku a dobyćom poručenje

póndźela, 20. junija 2016
artikl hódnoćić
(0 )
Serbska koparska wubranka muži je wčera w St. Johannu Němcow z Danskeje z 5:1 porazyła. Wulki podźěl na dobyću wšak ma tež blok serbskich přiwisnikow. Nimale 250 fanow bě sej wčerawšu hru wobhladało. Za wulkotnu podpěru so jim koparjo na swoje  wašnje dźakowachu.  Foto: Jörg Stephan Serbska koparska wubranka muži je wčera w St. Johannu Němcow z Danskeje z 5:1 porazyła. Wulki podźěl na dobyću wšak ma tež blok serbskich přiwisnikow. Nimale 250 fanow bě sej wčerawšu hru wobhladało. Za wulkotnu podpěru so jim koparjo na swoje wašnje dźakowachu. Foto: Jörg Stephan

Serbskej koparskej wubrance rozdźělnje do europeady startowałoj

St. Johann/Mühlwald/Bruneck (SN/JaW). Serbskej koparskej wubrance (SKW) žonow a muži stej rozdźělnje do koparskich mišterstwow awtochtonych narodnych mjeńšin Europy startowałoj. Mužojo přesadźichu so wčera popołdnju w St. Johannu (Ahrntal) přećiwo Němcam z Danskeje jasnje z 5:1. Zazběh europeady bě tuž nimale tajki, kajkiž běštaj­ sej trenarjej Frank Ričel a André Strelow předstajiłoj, wobkrućištaj wobaj po hrě. Nimale, přetož koparjo njeběchu wjacore dobre šansy wužiwali. Přiwšěm je sej serbske muske mustwo nachwilnje čoło tabulki w skupinje C zawěsćiło.

wozjewjene w: Sport

Galerija

dalši wobraz (1)

Ähnliche Artikel

  • Wuslědki (22.06.16)

    Koparska europeada – mužojo

    Wubranka z Pustertala*

    – Madźarojo z Rumunskeje 0:3

    * Wubranka z Pustertala zastupuje Zapadothrakiskich Turkow , kotřiž so na turněrje wobdźělić njemóža. Wuslědki wubranki so njehódnoća.

    Ladinojo – Krimscy Tatarojo    8:0

    Retoromanojo

    – Wubranka mjeńšin z Estiskeje   4:0

    Romojo z Madźarskeje

    – Karačajenjo z Ruskeje 0:5

    Němcy z Danskeje

    – Madźarojo ze Słowakskeje  0:10

    Korutanscy Słowjency –  Łužiscy Serbja  3:2

    Słowacy z Madźarskeje – Aromunojo  8:1

    Okcitanojo – Danojo z Němskeje   1:1

    Němcy z Pólskeje – Manksojo    0:2

    Němcy z Južneho Tirola

    – Sewjerni Frizojo 8:2

    Němcy z Madźarskeje

    – Južni Serbja z Chorwatskeje 2:2

    Cymbrojo z Italskeje

    – Němcy z Ruskeje   1:8

    žony

    Němki z Južneho Tirola

    – Okcitančanki 1:2

    Retoromanki – Němki z Ruskeje    0:9

  • Protesty wjednistwu europeady

    Serbska koparska wubranka muži tohorunja pohóršk zapodała

    Mühlwald/Sand in Taufers (SN/JaW). Sudnicy 3. koparskich mišterstwow awtochtonych narodnych mjeńšin Europy steja w sylnej kritice. Kaž turněrowe wjednistwo Serbskemu rozhłosej a Serbskim Nowinam zdźěli, je zastupnistwo Manksow protest zapodało. Woni njeběchu z postupowanjom pobóčnych sudnikow na prěnim hrajnym dnju pře­zjedni. Jich zasadźenje spřećiwja so prawidłam turněra, měnja Manksojo. Wjednistwo europeady protest wotpokaza. Zasadźenje­ asistentow kaž njedźelu je „po statutach italskeho amaterskeho ligoweho zwjazka dowolene. Wot štwórć­finalnych hrow budu pobóčni sudnicy italskeho koparskeho zwjazka zasadźeni“, wjednistwo wčera zdźěli.

  • Wuslědki (21.06.16)

    Koparska europeada

    mužojo

    Krimscy Tartarojo

    – Madźarojo z Rumunskeje 1:6

    Ladinojo – Wubranka z Pustertala*   3:0

    * Wubranka z Pustertala zastupuje Zapadothrakiskich Turkow, kotřiž so na turněrje wobdźělić njemóža. Wuslědki wubranki so njehódnoća.

    Karačajenjo z Ruskeje

    – Wubranka mjeńšin z Estiskeje  10:0

    Romojo z Madźarskeje

    – Retoromanojo 2:3

    Łužiscy Serbja

    – Madźarojo ze Słowakskeje  2:2

    Korutanscy Słowjency

    – Němcy z Danskeje 12:0

    Danojo z Němskeje – Aromunojo   6:0

    Okcitanojo – Słowacy z Madźarskeje  4:1

    Sewjerni Frizojo – Manksojo    3:2

    Němcy z Južneho Tirola

    – Němcy z Pólskeje 3:1

    Němcy z Ruskeje

    – Južni Serbja z Chorwatskeje 0:0

    Cymbrojo z Italskeje

    – Němcy z Madźarskeje 2:2

    žony

    Němki z Južneho Tirola

    – Łužiske Serbowki 5:0

    Retoromanki – Ladinjanki 1:2

  • Chrystina Pašcyna čestne wrota třěliła

    Serbska koparska wubranka žonow – Koparska wubranka Okcitančankow 1:12 (0:7)

    Za SKWž hrajachu: Jadwiga Richterowa – Janika Bětnarjec, Franciska Hellnerowa, Klawdija Hejdušcyna, Lara Brücknerec (61. Michaela Domaškec), Nadia Zamora-Gonzales (18. Lubina Mičkec/75. Marija Škodźina), Lenka Fryčec, Chrystina Pašcyna (91. Jana Mejglowa), Sophia Bejmakec, Michaela Młynkec, Marie-Luise Pjetašec

    Najebać wysoku poražku Serbskeje koparskeje wubranki žonow (SKWž) k za­zběhej europeady bě nalada po hrě w mustwje dobra a w sylnym serbskim fanowym bloku fenomenalna. SKWž dźakuje so na tymle městnje něhdźe 200 serbskim přiwisnikam, kotřiž su so w stadionje SSV Mühlwalda wo njezapomnitu atmosferu a podpěru starali.

  • Na hrajnišću a trawersach Serbja dominowali

    Serbska koparska wubranka muži – Němcy z Danskeje 5:1 (3:1)

    Za SKWm hrajachu: Hubertus Čórlich – Karl Petrick, Denny Kral (75. Antonius Wałda), Bosćij Bejma (46. Křesćan Bejmak), Robert Lejnart (81. Pětr Domaška), Dawid Jurš, Jonas Krawčik, Bosćij Kinderman, Denny Gloxyn, Fabian Bejma, Tadej Cyž.

Prošu přizjewće so, chceće-li komentar podać

nawěšk

nowostki LND