Loni bronza, nětko samo złoto

štwórtk, 20. decembera 2018
artikl hódnoćić
(0 )
Trenarjej Worklečanskich koparskich přećelow Renéjej Kaczmarekej (srjedźa) staj Tony Krüger a Mario Knopp (čo. 3) dobyćerski pokal přepodałoj.  Foto: Dawid Matik Trenarjej Worklečanskich koparskich přećelow Renéjej Kaczmarekej (srjedźa) staj Tony Krüger a Mario Knopp (čo. 3) dobyćerski pokal přepodałoj. Foto: Dawid Matik

Worklečanscy koparscy přećeljo chcychu­ tež na druhim wólnočasnym koparskim turněrje ,,Horce-wino-cup“ na podesće stać. Loni wobsadźichu woni­ na kumštnym trawniku w Biskopicach třeće městno, lětsa móžachu turněr­ samo dobyć.

Hač k dobyćerskmu wobrazej pak běše to napinacy bój za koparjow wokoło trenarja Renéja Kaczmareka. Kaczmarek pak pokaza ze swojimi rozsudami złotu ruku.

K zazběhej turněra běchu hosćo z Wor­klec hnydom dwójce wuspěšni. Přećiwo Germaniji Biskopicy 92 trjechi Ronny Wünsche dwójce, a runje tak bě wón přećiwo hosćićelej, mustwu Ći Swěrni, dwójce wobdźěleny. Prěnje wrota třěli Wün­sche hišće sam, pola druhich je bul njesebičnje sobu běžacemu Dawidej Matikej přihrał. Před přećiwniskej klětku stejo tón čuwy wobchowa a bjez problemow přetwori.

wozjewjene w: Sport
Prošu přizjewće so, chceće-li komentar podać

Serbska debata

nowostki LND