Widźała,słyšała, napisała (08.04.19)

póndźela, 08. apryla 2019
artikl hódnoćić
(0 )
Awtorka dźensa Tereza Wićazowa

W kóždej sportowej družinje – hač su to wolejbul, kopańca, mjetańca abo narjady –, hdźež so wubědźuja, trjebaš neutralnu wosobu, kotraž posudźuje wotběh hry abo wólne ćěło­zwučowanje. Neutralna wosoba je wězo sudnik. Za bulosportowe družiny je referee tež tohodla wažny, dokelž hru z wjacorymi mustwami a hrajerjemi wjedźe. Wón abo wona wobkedźbuje a dohladuje prawidłam wotpowědowace dodźerženje časa a chłosta hrube přeńdźenja prawidłow z disciplinariskej naprawu. Sudnikej poboku su asistenća, kotřiž jeho podpěruja. Přirunuješ-li jednotliwe bulosportowe družiny, napadnje, zo je respekt sudnikej napřećo wšelakory. Wězo sudnicy tež raz zmylki woraja. Tute dopóznaće njeje nowe a płaći za wšitke sportowe družiny. Wosebje w dale a wjace atletiskich a spěšnišich hrach, kaž w kopańcy abo mjetańcy, je za refereejow ćežko přeco prawje rozsudźić. Komunikacija je drje po zasadźenju techniskich nastrojow polěpšena, ale tež z jich pomocu njedadźa so wopačne rozsudy w kóždym padźe wobeńć.

wozjewjene w: Sport
Prošu přizjewće so, chceće-li komentar podać

Serbska debata

nowostki LND