Hra hač do poslednjeho wokomika napjata wostała

štwórtk, 05. decembera 2019
artikl hódnoćić
(0 )

SJ Njebjelčicy

– SZ 1896 Wulka Dubrawa 2:1 (2:0)

Zestawa domjacych: Hahn – Kral, Hanuza, Gödig, Čornak (76. Ričel), Pawlik, Haška, Plaettner (90. F. Domš), Lejnart, Domš, Wagner (46. Mikławšk)

Prěnje koparske mustwo Njebjelčanskeje SJ bě do poslednjeje domjaceje hry lěta 2019 jara motiwowane. Prěnja wuspěšna akcija přećiwo hosćom z Wulkeje Dubrawy poradźi so po prěnich mjeńšich Dennisej Wagnerej. Wón so přećiwo defensiwje hosća wuspěšnje přesadźi a přetwori k nawjedowanju (19.). Šaltowanska centrala domjaceho mustwa Njebjelčanske nadběhi derje wariěrowaše. Na prawej stronje bě Oliwer Domš přeco zaso na zakładnej liniji, jeho flanki pak sobuhrajerja před wrotami njedocpěchu. Na tamnej stronje je William Plaettner wjacore dobre kombinacije iniciěrował. Tak pósła wón w 36. min. Jurja Hašku na won­kownu čaru. Tón doběža do šěsnatki a přihra bul Wagnerej, kiž pak na přećiwniku zwrěšći. Z druhim pospytom pak Domš kulowatu kožu k 2:0 w saku zaměstni.

W 59. min. wužichu hosćo z Wulkeje Dubrawy njekedźbliwosć na wonkownej čarje. Tom Schoele ze srjedźneho pola hač k wrotam doběža a skrótši na 2:1. Z toho mustwo pod nawodom Franka Golembjenskeho mocy čerpaše a měrješe so časćišo do druheje połojcy hrajnišća. Domjacy pak z defensiwnym nastajenjom dalšim wrotam zadźěwachu. Hra wosta tuž hač do poslednjeje mjeńšiny napjata. Tola chowancy trenarja Handrija Kraw­čika zaručichu sej dalše ličaki a zhladuja nětko na dohromady 13 dypkow.

Prěnja połojca hrajneje doby zakónči so za Njebjelčanskich koparjow druhu adwentnu njedźelu z derbyjom w Ra­dworju. Jurij Haška

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND