Hórki wokomik za hosći trěbne nazhonjenje był

wutora, 10. měrca 2020
artikl hódnoćić
(0 )
Přez nawrót Radima Věcheta (nalěwo, tu w přihotowanskej hrě we Wojerecach) su koparjo Chróšćanskeje SJ zbožowni. W Großröhrsdorfje pak pobrachowaše jemu hišće třělcowske zbožo.  Foto: Werner Müller Přez nawrót Radima Věcheta (nalěwo, tu w přihotowanskej hrě we Wojerecach) su koparjo Chróšćanskeje SJ zbožowni. W Großröhrsdorfje pak pobrachowaše jemu hišće třělcowske zbožo. Foto: Werner Müller

SC Großröhrsdorf

– SJ Chrósćicy 1:1 (0:0)

Zestawa hosći: Králíček – B. Cyž, F. Cyž, Sentivan, Henzl, G. Zahrodnik, M. Zahrodnik, L. Zahrodnik (76. Matješk), F. Zahrodnik, Bogusz (78. Mark), Věchet (90. Handrik)

K zazběhej druheje połojcy hrajneje doby 2019/2020 podachu so koparjo prěnjeho mustwa Chróšćanskeje SJ do Großröhrsdorfa. Po skerje njespokojacych wuslěd­kach w testowych partijach běchu fanojo wćipni, kak so mustwo w dypkowych hrach prezentuje.

Prěni połčas bě wurunany z mało móžnosćemi na woběmaj stronomaj. Hosćo kaž domjacy koncentrowachu so primarnje na wěstu defensiwu, štož so tež wulkotnje radźeše. Přihladowarjo njedo­žiwichu ani jeničku strašnu akciju a wrotarjomaj běše nimale wostudło, tak zo móžeše druha połojca ofensiwnje jenož lěpje wupadać. Hóstny trenar Pavel Runt chwaleše mustwo w kabinje za dobre dźěło w škiće, žadaše pak sej zdobom wjac zmužitosće w nadběhach.

wozjewjene w: Sport

Galerija

dalši wobraz (1) Pavel Runt, trenar prěnjeho koparskeho mustwa SJ Chrósćicy
Prošu přizjewće so, chceće-li komentar podać

Serbska debata

nowostki LND