Tule zhoniće najwažniše stacije jeho dołheho koparskeho žiwjenja:
Wjelelětny koparski trenar ST Marijineje hwězdy Erwin Kleinmann swoje zastojnstwo jako trenar doskónčnje złoži. To zdźěli wón njedawno swojemu mustwu a wězo tež towarstwu. Z jeho wotchadom zhubi serbski koparski cyłk jara česćelakomneho a přeco přećelneho sportowca a čłowjeka. Sam wón wo swojej koparskej karjerje tole praji: „Kopańca ćehnje so kaž čerwjena nitka přez cyłe moje žiwjenje, a z wjetšeho dźěla rjane dožiwjenja a nazhonjenja wostanu na přeco w mojim pomjatku. Tež, hdyž su moje zhibadła jara po tym ćerpjeli, sym za kóždźičku mjeńšinu tohole časa dźakowny.“
Hessenska
Erwin Kleinmann je so w lěće 1952 w sewjero-hessenskim Großenenglisu, wsy mjez Borkenom a Fritzlarom blisko Kassela, narodźił. Z dźesać lětami je započał w ródnej wsy pola TuS Viktorije za bulom honić.