Schrift vergrößern
Tradicionelny 32. wolejbulowy duel mjez wučerjemi a maturantami doby młódša generacija jasnje 3:0. Stejo wotlěwa: Hagen Kambach, Elias Kummer, Maćij Čižank, Bosćij Čornak, Mato Dźisławk, Metod Šołta, Jan Šołta, Franz Friedrich; klečo wotlěwa: Anton Wićaz, Filip Budar, Michał Eiselt, Syman-Jan Klemens a Měrko Korjeńk. Foto: Měrko Korjeńk
32. wolejbulowy duel mjez wučerjemi a maturantami skónči so minjeny tydźeń na Serbskim gymnaziju Budyšin z jasnym wuspěchom 3:0 za młódšu generaciju.
Prěnja tajka wolejbulowa hra wotmě so srjedu, 11. nowembra 1992, w małej sportowni serbskeho kubłanišća. Tehdy přesadźichu so dwanatkarjo přećiwo pedagogam 2:1. A na kóncu kóždeho šulskeho lěta sćěhowaše mjeztym 32 tradicionelnych duelow.
16. wolejbulowy duel mjez abiturientkami a wučerkami Serbskeho gymnazija Budyšin dobychu maturantki z 2:0. Stejo wotlěwa: Juliana Rječcyna, Sarah Bretšnajderec, Jana Štillerova, Josephina Bretšnajderec, Tereza Wićazowa, Felicitas Bobkec; klečo wotlěwa: Alena Nawcyna, Hanna Šustrec, Gabriela Jendrewscyna, Franciska Bobkec a Anja Weitzmannowa.
