Šulerjo nuzowu premjeru we wodźe dožiwili

póndźela, 08. julija 2019 spisane wot:
Druhi raz chcychu wuknjacy Serbskeje wyšeje šule Budyšin na kóncu šulskeho lěta swój běh sponsorow přewjesć, z kotrymž zběraja pjenjezy za wšelake šulske projekty, počesćenja, mytowanja a zarjadowanja. Lětsa pak bě tak horco, zo dyrbjachu zamołwići sportowi wučerjo běh wotprajić. W nuzy zeschadźa jim myslička – z běha sponsorow sčinichu płuwanje sponsorow. A tak podachu so holcy a hólcy předposledni dźeń šulskeho lěta 2018/2019 do Budyskeje Sprje­wineje kupjele. Kóžda rjadownja měješe tam dźesać mjeńšin chwile koła po 50metrowskej čarje płuwać. Štóž płuwać nochcyše abo njemóžeše, tón je w chłódku wulkich štomow telko kołow běhał, kaž so jemu chcyše. Z nuzy nasta tak rjane sportowe wubědźowanje. Jan Hrjehor

Při poměrnje znjesliwych tempera­turach su kónc junija w Běłej (Biehla) za Ka­mjencom mjeztym hižo 16. nócny žabjacy běh přewjedli.

Lětsa je cyłkownje 999 atletow, mjez ni­mi­ 99 lubowarjow walkinga, do cila do­bě­žało. Šwarna ličba­ serbskich sportowčow a sportowcow bě zaso pódla. Sportowe wurisanje je tež zwjazane z wotpowědnymi kulturnymi a zabawnymi poskitkami na běhanskim arealu. Atleća běchu z wjacorych zwjazkowych krajow Němskeje, hłownje ze Sakskeje, z Braniborskeje a Berlina. Woni wubědźowachu so starobje wotpowědnje wot šulskich dźěći hač k 85lětnemu wuměnkarjej na 2,0 km abo 9,6 km. W skupinje pod dźesać lětami (U 10) wuwojowaštaj sej serbskaj šu­lerjej Jarek Schade z Budyšina prěnje­ (8:14 min) a Lisamaria Domanic z Wojerec dru­he městno (9:32 min).

Awtor dźensa

Jan Hrjehor

„Nam je zakazane z liftom jěć“, powěda namaj Mo Krüger w schodźišću krajneho sćelaka MDR w Lipsku, jako běžimoj z njej ze štwórteho poschoda do přizemja centrale MDR. Tam maja nimo drastoweho fundusa a maski na přikład tež telewizijne studija, z kotrychž wusyłaja. We wobłuku dwutydźenskeho šulerskeho praktikuma mojeho syna­ smědźachmoj w sportowej redakciji MDR Aktuell hospitować, tam zamołwitym přez ramjo hladać a wotběhi dnja sćěhować.

Sport (05.07.19)

pjatk, 05. julija 2019 spisane wot:

Testowe koparske hry

05.07. 18.00 Łuty – Budissa Budyšin

13.07. 11.00 Jednota Kamjenc –

  Módro-běli Kulow

13.07. 13.00 Rakečanske ST –

  Dynamo Drježdź. U 19

13.07. 13.00 LSV Nowe Město –

  Energija Choćebuz U 19

17.07. 18.30 Jednota Kamjenc –

  Hornja Łuž. Neugersdorf

20.07. 14.00 Drježdźany-Laubegast –     Budissa Budyšin

24.07. 19.00 Rakečanske ST –

  Budissa Budyšin

27.07. 14.00 FC Grimma –

  Budissa Budyšin

31.07. 19.00  Budissa Budyšin –

  Brjazki-Zły Komorow

Dalši serbski supercup

Sportowa jednotka Njebjelčicy zarjaduje 21. julija třeći serbski supercup – turněr ze štyrjomi koparskimi mustwami. Połfinalnej hrě wulosuja zamołwići póndźelu, 15. julija, na Hórčanskim sportnišću. Tón dźeń pozastanje tam bičwolejbulowa tura Radija Satkula. Losy ćahnyć ma koparska sudnica Lea Krječmarjec.

Kulow-cup

„Company of Kulow“ wuhotuje lětsa swój 30. koparski Kulow-cup. Startowy signal zaklinči dźensa w 21 hodź. z party „Fiesta Mexikaner“. Jutře, sobotu, wot 12 hodź. přewjedu koparski turněr z wosom mustwami Kulowskich młodźinskich klubow. Zastup je darmotny.

Stara garda Sokoła hraje

Bičwolejbulisća 10. a 11. lětnika Serbskeho gymnazija Budyšin (SGB) su sej we wurisanju „Młodźina trenuje za olympiju“ mjez třomi startowacymi gymnazijemi slěbro wubědźili.

Po dobyću złoteje medalje w regionalnym finalu loni slědowaše nětko w ju­niju dalši wuspěch sportowcow SGB. Holcy a hólcy starobneje skupiny II (9. do 11. lětnik) zawěsćichu sej w Budyskej Sprjewinej kupjeli slěbro. Je to mjeztym 12. medal­ja za našich šulerjow w tej bulosportowej družinje w pěsku.

Wuslědki (04.07.19)

štwórtk, 04. julija 2019 spisane wot:

Tabulce dorosta Zapadołužiskeho koparskeho zwjazka (WFV)

młodźina B, wokrjesna liga, stafla 2

1. TSV Połčnica 16 100 : 17 43

2. SC 1911 Großröhrsdorf 16 90 : 21 40

3. FV Ottendorf-Okrilla 16 56 : 31 29

4. ST Kinspork/Łužnica 16 39 : 37 29

5. Hermsdorfske ST 16 37 : 41 19

6. FSV Bretnig-Hauswalde 16 38 : 47 18

7. HZ Großnaundorf/

Lomnitz 16 28 : 50 17

8. Arnsdorfske KT 16 46 : 77 12

9. SV Liegau-Augustusbad 16 16 : 129 3

młodźina B, wokrjesna liga, stafla 3

1. HZ Jednota Kamjenc/

Biskopičanske KT 08 14 137 : 11 40

2. HZ Běła-Cunnersdorf/

Natwar Němske Pazlicy 14 91 : 25 33

3. HZ Ćisk/Hory/Łaz/

Běły Chołmc 14 51 : 37 29

4. HZ Lubuš/Wětnica/

Nadrózna Hrabowka 14 63 : 42 21

5. SV Haselbachtal 14 36 : 68 13

6. Zeleno-běli Sepicy 14 47 : 105 11

7. ST Porchow 14 29 : 58 9

8. HZ Pančicy/Njebjelčicy 14 16 : 124 6

Kónčna tabulka krajneje klasy

1. LSV Nowe Město 26 85 : 25 61

2. SZ Drježdźany-Strěžin 26 62 : 27 56

3. Laubegast 26 71 : 38 51

4. FSV Oderwitz II 26 48 : 40 40

5. FC Neugersdorf II 26 49 : 38 39

6. VfB Běła Woda 1909 26 58 : 50 34

7. SG Weixdorf 26 51 : 53 33

8. Rotacija Drježdźany 26 53 : 58 30

9. SC Großröhrsdorf 26 39 : 46 30

10. SJ Chrósćicy 26 53 : 66 30

11. SC Borea Drježdźany 26 40 : 57 28

12. ST Ćisk 26 39 : 60 28

13. ST Horni kraj-Sprjewja 26 52 : 97 25

14. ST Trjebin 26 32 : 77 14


ST Drježdźany-Strěžin – SJ Chrósćicy 7:1 (3:1)

Zestawa: Králíček – Püschel, Cyž, Sentivan, L. Zahrodnik (68. Mark), M. Zahrodnik, G. Zahrodnik, Henzl, Henčl, Runt (68. Špitank), Młynk (60. Bogusz)

Tři změny w mustwach

srjeda, 03. julija 2019 spisane wot:

Hrajerjo Serbskeje koparskeje wubranki Dirk Šołta, Jonas Krawčik a Tom Henčl swoje koparske mustwa změnja. Rodźeny Njebjelčan Krawčik dźe wot Budissy Budyšin k Jednoće Kamjenc a budźe w sezonje 2019/2020 w krajnej lize pod trenarjom Frankom Ričelom za bulom honić. Konječan Dirk Šołta wopušći Sokoł Ralbicy/Hórki a dźe do Rakec k tamnišemu ST w krajnej klasy. Tom Henčl z Łusča, dotal kopar Sportoweje jednotki Chrósćicy, přizamknje so krajnemu ligistej Budissy Budyšin.

Dale w nowinarskej zdźělence FSV Budissy Budyšin steji, zo nowe 1. koparske mustwo rosće. Tak wostanje na přikład škitar Pavel Patka Budissy swěrny a w krajnej lize dale hraje. 1,85 metrow wulki nutřkowny škitar bě w lěće 2013 do Budyšina přišoł a je tam po słužbnych lětach najstarši kopar. Z Florianom Kärgerom nawróći so rodźeny Budyšan. 22lětny bě do toho pola Dynama Drježdźany hrał a w dorostowych cyłkach FC Nürnberga a Boreje Drježdźany. Jurij Bjeńš

Koparki SGB štwórte

wutora, 02. julija 2019 spisane wot:

Wulke wjeselo knježeše mjez kopar­ka­mi Serbskeho gymnazija Budyšin (SGB) starobneje klasy IV (5.–6. lětnik), jako zhonichu, zo su za sakske finale kwa­lifikowane, kotrež wotmě so srjedź junija­ w Lipsku.

Situacija do turněra bě samsna kaž w zašłej hrajnej dobje: W předkole běchu přizjewjene šule za krajne finale wotprajili. Tak su holcy SGB direktnje koło dale přišli. Za Lipsk běchu so dohromady štyri holče a šěsć hólčich mustwow z cyłeje Sakskeje kwalifikowali.

EVSE-cup w Rakecach přewjedli

wutora, 02. julija 2019 spisane wot:

Nětko hižo sedmy raz wotmě so minjenu sobotu w Rakecach koparski turněr młodźiny F a D. Wuhotowar turněra je energijowy zawod EVSE ze Salowa. Wón wubědźowanje stajnje něhdźe druhdźe přewjeduje.

Při najrjeńšim lětnim wjedrje wojowachu młodźi koparjo wo dypki, medalje a pokale. We woběmaj starobnymaj klasomaj wobdźělichu so cyłkownje štyri mu­stwa. Kóždy hraješe přećiwo kóždemu, a to w dwěmaj kołomaj. Bohužel pak su krótkodobnje tež cyłki wotprajili. Turněr pak bě wuběrnje organizowany, a dźěći běchu ze wšěm jara derje zastarane.

Pola młodźiny F so Njebjelčanski cyłk ze 16 dypkami jasnje přesadźi. Jako najlěpšeho hrajerja wuzwolichu Kiliana Cyža­ z dobyćerskeho mustwa. Tež dalši titul wudoby sej serbski kopar. Jan Šmit z Chróšćanskeho cyłka dósta za wuběrne refleksy pokal najlěpšeho wrotarja. A jeho bratr Ben dźeržeše runje tak pokal w rukomaj. Wón bě mjenujcy najmłódši hrajer turněra.

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND