Zymna woda požadana była

štwórtk, 13. awgusta 2015 spisane wot:

Minjenu sobotu je Smjerdźečanska dobrowólna wohnjowa wobora nětko hižo tradicionalny volleyballowy turněr wuhotowała. Za to wutworichu wjesnjenjo hnydom tři hrajne pola na trawniku.

Ekstremneje horcoty dla dojědźe sej jeno sydom mustwow na sportowe zarjadowanje. Na zbožo bě hosćićel dwaj basenkaj ze zymnej wodu nastajił, tak zo móžachu­ so hrajerjo w přestawkach znajmjeńša tróšku wochłódnić. A wšitcy to wězo rady wužiwachu.

Po modusu kóždy přećiwo kóždemu wotměchu so hry hač do 15 dypkow. Jako najkmańši při sobotnych tropiskich temperaturach wopokaza so cyłk­ z Pančic-Kukowa, kotryž mjenuje so Dwójna nula. Tydźeń do toho w Róžeńće docpě tón při podobnych temperaturach jeno štwórte městno. Slěbro wubědźi sej team z Kamjenca, bronzu hosćićel Smjerdźaca. Štwórte městno wobsadźi cyłk z mjenom Ći tamni.

Na dalšich městnach slědowachu Smjerdźaca II, Smjerdźaca stari knježa a Dreamteam.

Njedźelu popołdnju wubědźowachu so wohnjowi wobornicy w hašenju (SN rozprawjachu). Jörg Stephan

Dobry test do zazběha sezony

štwórtk, 13. awgusta 2015 spisane wot:

SJ Njebjelčicy

– Módro-Běli Kulow II 5:2 (1:0)

Za domjacych zasadźeni: Matješk – Hoelzel, Šołta, Kral, Cyž, Lejnart, F. Ričel (30. Šram), Dubaw, Čornak, Hübenthal, Hrjehor, C. Ričel, Mjechela.

Sobotu wočakowaše prěnje koparske mustwo Njebjelčanskeje SJ rezerwu Módro-běłych z Kulowa, kotraž bě minjenu sezonu do wokrjesneje klasy zestupiła. Při horcych temperaturach rěkaše zaměr hosćićela, hru porjadnje natwarjeć a mło­dych koparjow integrować. Ći wosebje nazhonići kaž Dubaw, Cyž a Lejnart so wo to prócuja, swojich młodych kolegow prawy hrajny stil nawučić. Wuslědk njehraješe při tym scyła žanu rólu. W prěnim połčasu docpěchu domjacy přez Leopolda Hoelzela nawjedowanje.

Po přestawce Njebjelčenjo dale derje wustupowachu, a mocy hosća pomału popušćachu. Tak běchu dalše wrota přez Chrystofa Dubawa (51., 53.) a Pawla Hrjehorja (64., 70.) logiska konsekwenca. Druhe wrota Kulowskich Módro-běłych krótko do kónca hry běchu jenož hišće kosmetika. Běchu pak zdobom małe warnowanje, zo je přez cyły čas koparskeje partije ­wažne so koncentrować.

Na sezonu přihotowani

srjeda, 12. awgusta 2015 spisane wot:

ST Marijina hwězda

– Sokoł Ralbicy/Hórki II 6:1 (1:1)

Za domjacych zasadźeni: Vacek/O. Schmidt – Róbl, Škoda, Łušćanski, Hawš, T. Jurš, Bělk, Langer, Rab, Winkler, D. Jurš, P. Schmidt, Pakoßnik, Peschmann.

Za hosći zasadźeni: Měškank – M. Matka, Zynda, Bogusz, Šnajder, Mět, Čórlich, Kobalc, Serbin, J. Matka, Materne, Cyž.

Při tropiskich temperaturach minjeny pjatk wječor witachu koparjo ST Marijineje hwězdy rezerwu Sokoła. Wot spočatka domjacy pokazachu, zo chcedźa testowu­ hru dobyć. Po sydom mjeńšinach měješe Rab stoprocentnu šansu, jeho­ třělwa pak dźěše pódla klětki. Lěpje sčini to w 19. min. Winkler, kiž zhłójčkowa kulowatu kožu do hornjeho třiróžka. Dalši hłójčkowany bul zamó Měškank parěrować. Jenička naspomnjenja hódna akcija Sokołow wjedźeše hnydom k wrotam. Jara spěšny Čórlich přesadźi so na prawym boku, posłuži bywšeho wrotarja Pančičanow Jurja Matku, kiž wěsće přetwori a wuruna.

Rezerwa dobyła

wutora, 11. awgusta 2015 spisane wot:

Prěnju hru noweje sezony w krajnej klasy­ je rezerwa koparskeho towarstwa Budissy­ Budyšin přećiwo dosć sylnemu cyłkej z Radebeula z 3:1 dobyła. Po nawjedowanju přez Hanscha (11.) Radworčan Paul Zimmermann w 37. min. za Budyšanow zwyši. Kónčne 3:1 docpě znowa Hansch, a to z wothwizdanjom. W rjadach Budissy hraješe nimo Zimmermanna dalši Serb Denny Gloxyn z Ralbic.

Po zastatku 0:2 a 2:3 je postupnik Biskopičanski ST II pola lońšeho mištra hru hišće na dobyće 6:4 zwjertnył. Prěni načolnik krajneje klasy je ST Trjebin. Mustwo, kotrež ma wulkeho sponsora, je lětsa­ tohorunja postupiło. W nim hraje nětko tež André Kober, kiž wuwojowa sej w minjenych štyrjoch lětach krónu najlěpšeho třělca we wokrjesnej wyšej lize za Ćisk. Tež w hrě přećiwo Módro-běłym z Zschachwitza bě Kober wuspěšny. jb

Beachtura zakónčena

wutora, 11. awgusta 2015 spisane wot:

Wčera wječor je młoda žołma Radija Satkula w Kulowcu pobyła a tam swoju lětušu beachturu zakónčiła. Po stacijach w Nuknicy, Konjecach, Hórkach a w Róžeńće wubědźowaše so nětko wčera wosom mustwow! W finalu přesadźi so cyłk „1 wišnja a 3 krušwy“, w kotrymž hraještaj Caro Santruschek, Ludwig Eckert, Marcel Rjelka a Stefan Mět, přećiwo mustwu Satkule! Třeće městno wobsadźichu Chróšćenjo. Přichodnu póndźelu budźe w Miłoćicach wulki Satkula-turněr, za kotryž­ su wčera w Kulowcu skupiny wulosowali. Beno Šołta

Foto: Beno Šołta

Wulosowane stafle beachvolleyballoweho turněra Radija Satkula:

Skupina A:

Dwójna nula

S.O.S

Škit Budyšin

Granit Hórki

Skupina B:

Nuknica

Bratrowstwo Róžant

SGB wučerjo

Marijina hwězda

Skupina C:

Smjerdźaca

Satkula

Swinjarnja

Dźiwje micki

Skupina D:

MST

Eskimowcy

Radwor

Krupčanscy putnicy

24 razow do čorneho trjechili

wutora, 11. awgusta 2015 spisane wot:

Módro-běli Njeswačidło­

– Budissa­ Budyšin 0:24 (0:11)

Za hosća zasadźeni: Große – Heppner, Klippel, Pfanne, Patka, Kral, Hoßmang, Čermák, Walther, Kunert, Rupf, Rosendo, Reher, Salewski.

Zo njeby Budissa Budyšin na swobodnym hrajnym dnju z rytmusa přišła, wupytachu sej chowancy trenarja Tomaša Henčla z testowej hru pola wokrjesnehokoparskeho ligista Módro-běli Njeswačidło lochku treningowu jednotku. Za domjacych­ běše to najebać test zawěsće jedyn z wjerškow cyłeje karjery, wšako so kóždemu towarstwu njeporadźi, tajkeho přećiwnika we wobłuku sportoweho swjedźenja přeprosyć.

Zo wuslědk wysoki wupadnje, bě wot wšeho spočatka jasne. Při horcych temperaturach pak běše partija tež koparjam Budissy woprawdźite wužadanje, wšako dyrbjachu wězo kóždu kombinaciju hač do kónca prawje wuhrać. W druhim połčasu měješe hosćićel samo mału šansu na wrota, kotrež pak so tola njeporadźichu. Dohromady zasadźi trenar Henčl 15 hrajerjow, jeničce wrotar Jakubov sedźeše cyły čas na ławce.

Widźał, słyšał, napisał (11.08.15)

wutora, 11. awgusta 2015 spisane wot:

Awtor dźensa

Tadej Cyž

Wuslědki (11.08.15)

wutora, 11. awgusta 2015 spisane wot:

wokrjesna wyša liga

Hnašecy/Dobruša – Póst Budyšin 2:1(1:0)

Kulow – Rakecy 1:1 (1:1)

Połčnica – Chrósćicy 0:2 (0:1)

Kumwałd – Großröhrsdorf 4:0 (2:0)

Wachau – ST Ćisk 3:5 (2:1)

LSV Hory – Ramnow 5:0 (2:0)

Wjelećin – Łuty 3:3 (1:2)

Ralbicy/Hórki – Kinspork 6:1 (3:0)

1. Ralbicy/Hórki  1  6  :  1  3

2. LSV Hory  1  5  :  0  3

3. Kumwałd  1  4  :  0  3

4. ST Ćisk  1  5  :  3  3

5. Chrósćicy  1  2  :  0  3

6. Hnašecy/Dobruša  1  2  :  1  3

7. Łuty 1   3  :  3  1

7. Wjelećin  1  3  :  3  1

9. Kulow  1  1  :  1  1

9. Rakecy  1  1  :  1  1

11. Bukecy  0  0  :  0  0

12. Póst Budyšin  1  1  :  2  0

13. Wachau  1  3  :  5  0

14. Połčnica  1  0  :  2  0

15. Großröhrsdorf  1  0  :  4  0

16. Kinspork  1  1  :  6  0

17. Ramnow  1  0  :  5  0

„Mnohim pobrachuje trěbna wola“

póndźela, 10. awgusta 2015 spisane wot:

Sobotu startowaše tež krajny koparski ligist Jednota Kamjenc do noweje­ sezony. Pola postupnika z Taucha docpě tón hižo w 12. min. nawjedowanje přez Ondřeja Novotneho. Krótko do połčasa přijimachu hosćo po róžku 1:1, štož bě zdobom kónčny wuslědk. Z dypkom trenar Jednoty Frank Ričel wězo spokojom njebě, kritizujo wosebje wužiwanje šansow. Do hry bě so Hanspeter Benad z Ričlom zetkał, je z nim minjenu sezonu wuhódnoćił a so tež za zaměrami noweje hrajneje doby prašał.

Knježe Ričlo, minjenu hrajnu wobsadźi Jednota Kamjenc 10. městno w tabulce krajneje ligi. Sće z tym spokojom?

F. Ričel: Naš cil bě jednocyfrowe městno, štož njejsmy docpěli. Mjez druhim su nam dypki wotćahnyli. Ale mějachmy tež mnohich zranjenych hrajerjow (Wochnik, Cyž, Nulíček, Schiring), a tohodla smy w sezonje tež swój rytmus zhubili. Z dobrym kónčnym spurtom pak smy sej klasu zawěsćili a tak běch z mustwom samo na sebi w kóždym wokomiku dosć spokojom.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND