Swětowe mišterstwa nětko jenož hišće europske

póndźela, 09. julija 2018
artikl hódnoćić
(0 )
Dobyće chorwatskeho koparskeho mustwa přećiwo Ruskej su po wšej Chorwatskej, kaž tule w Spliće, euforisce woswjećili.  Foto: dpa/Borna Filić Dobyće chorwatskeho koparskeho mustwa přećiwo Ruskej su po wšej Chorwatskej, kaž tule w Spliće, euforisce woswjećili. Foto: dpa/Borna Filić

Z Francoskej, Belgiskej, Jendźelskej a Chorwatskej steja jenož hišće europske wubranki w połfinalu swětowych koparskich mišterstwow. Pjatk popołdnju bě so Francoska jako prěnje mustwo za koło najlěpšich štyrjoch swětoweho cupa kwalifikowała. Équipe Tricolore přesadźi so přećiwo Uruguayjej z 2:0. W 40. min. nawjedowaše wona přez wrota Raphaëla Varany. Škitar dobyćerja champions league Real Madrid přetwori wólny kop Antoinea Griezmanna z hłójčku k 1:0. Wo 2:0 postara so Griezmann sam. Wón měješe nadobo přewjele městna a třěli bul cyle jednorje raz na wrota. Centralnje kulowata koža lećeše a tróšku zlětowaše. Třělwu wotwobarać njedyrbjało za wrotarja poprawom problem być. Fernando Muslera pak hrajny nastroj wopak powobliči, a tak skoči tón wot jeho rukow do syće.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND