ST Marijina hwězda –

ST Kinspork/Łužnica 2:2 (1:0)

zestawa domjacych: D. Matik – D. Leppers, R. Cyž, K. Pakoßnick, E. Bulank – T. Jurš – J. Krječmer, J. P. Kuring, Ch. Cyž, M. Wróbl (46. J. Clausen) – J. Pakoßnick

We Łutach běchu sej koparjo ST Marijineje hwězdy z dobyćom nowu sebjedowěru nahromadźili. To su w domjacej hrě přećiwo hosćom z Kinsporka/Łužnicy pokazali. Wot wšeho spočatka sem wuhrachu mjenujcy w rjadach domjaceho cyłka rjane kombinacije. Tak na přikład tež w 22. mjeńšinje. Prěnju prawu šansu je domjacy cyłk tež hnydom wužił a nawjedowanje 1:0 docpěł. Při tym měješe Karl Pakoßnick ze swojim dołhim bulom na Jana Krječmarja wulki podźěl na wrotach. Młody Kanečan steješe swobodnje před wrotarjom a jeho z třělom mjez nohomaj přelesći. Krótko do połčasa wuhrachu sej koparjo na napřećiwnej stronje móžnosć na wurunanje. Wólny kop wot praweho róžka šěsnatki pak lećeše snadnje wyše kašćika (45.).

Wosom mjeńšinow po zahwizdanju druheho połčasa docpě Krječmar dalše wrota 2:0.

FC Łužica – ST 1922 Radwor 2:3 (2:2)

zestawa hosći: Sende – Bišof (60. Elsner), M. Grubert, L. Pěčak, Wjesela (90. Weclich), B. Grubert, Mička, Buša, Schäfer (79. Wencel), Adam, Glücklich

Sokoł Ralbicy/Hórki –

ST Ottendorf/Okrilla 1:1 (1:1)

zestawa Sokoł: Žur – Rawš, B. Heidorn, N. Šewc, L. Heidorn, Woko, Mjechela, Hicka, Schmidt (70. Čórlich), Frencl, N. Šnajde

Do hry přećiwo sylnemu postupnikej z Bretniga-Hauswalde měješe trenar Krystof Gloxyn chětro kuzłać. Wrotar Willi Schöne, kapitan Alexander Wałda kaž tež Pius Šołta njestejachu zranjenjow dla k dispoziciji. K tomu njedźelu tež hišće nadběhowar Richard Šnajder schori. Tuž přewza Róžeńčan Titus Žur nadawk wrotarja, w škiće pak wupomha nazhonity Tomaš Rawš.

Koparske wuslědki wokrjesneje wyšeje ligi: Módro-běli Kulow – Drohotka Ramnow 1:1 (1:0), SJ Chrósćicy – LSV Hory 0:4 (0:3) a Sokoł Ralbicy/Hórki – FSV Bretnig-Hauswalde tež 1:1 (1:1). Za Ralbičanow bě Livius Frencl (23.) wrota trjechił. Krótko po tym (24.) hosćo hižo wurunachu. Wšitke tři dypki ze serbskeho koparskeho derbyja ST 1922 Radwor – ST Marijina hwězda su nětko na dypkowym konće Radworčanow. Woni dobychu derby 4:1 (1:0). Za domjacy cyłk trjechichu Mick Grubert (8.), Marlon Wencel (53.), Julien Glücklich (55.) a Ben Grubert (78.) do saka. Čestne wrota za Pančanow docpě Christoph Cyž (77.). SJ Njebjelčicy – FC Łužica 1:1 (0:1). Wrota za Njebjelčanow docpě Jonas Lehmann (86.). SJ Chrósćicy II – Módro-běli Minakał: 0:4 (0:0).

Wuslědki wokrjesneje klasy: HZ Lubuš – ST 1922 Radwor II 3:0 (1:0) a HZ Njebjelčicy II / Ralbicy II / Pančicy II – HZ Łaz: 3:3 (2:1). Za hosćićelow trjechištaj Robert Lejnart (25.) a dwójce Emilio Wätzig (13., 48.). Wosebje mjerzace běchu za domjacy cyłk po nawjedowanju 3:1 wrota přećiwnika w 90. mjeńšinje. Młodźina B Sokoła Ralbicy/Hórki je nazymski mištr wokrjesneje ligi stafla III. Cyłk doby sobotu doma 3:1 (1:1) přećiwo hosćom z Biehla / Cunnersdorfa. Wrota za Sokoł třělichu Rafael Čornak, Robert Čornak a Milan Šmit.