Po zazběhu druheje połserije doma a wonka dobyli

póndźela, 25. februara 2019
artikl hódnoćić
(0 )
Sandro Schulze (při bulu) njesłuša k wrotowym, za to pak k srjedźopólnym garantam Njebjelčanskeje SJ. We woběmaj zazbě ho wymaj hromaj noweho lěta je wón w srjedźnym polo swoje nitki ćahał. Foto: Jörg Stephan Sandro Schulze (při bulu) njesłuša k wrotowym, za to pak k srjedźopólnym garantam Njebjelčanskeje SJ. We woběmaj zazbě ho wymaj hromaj noweho lěta je wón w srjedźnym polo swoje nitki ćahał. Foto: Jörg Stephan

SJ Njebjelčicy

– HZ Hórnikečanski jězor 2:0 (0:0)

Zestawa domjacych: Hahn – Kral, Gödig, Haška, Wagner (64. Čornak), Hanuza, Šołta­, Plaettner, Korjeńk (90. Matješk), Pawlik, Ričel (64. Lejnart)

W prěnjej dypkowej hrě po zymskej přestawce poradźi so chowancam ko­parskeho trenarja Handrija Krawčika při najlěpšim wjedrje hnydom jasne dobyće. Wšitcy aktiwni běchu po treningowych jednotkach a třoch přihotowanskich parti­jach w dobrym ćělnym stawje. Hižo we 8. min. wotwobara wrotar Nico Hahn po strašnym konteru hosći z prima refleksom wótru třělwu. Po spěšnym nadběhu z Njebjelčanskeho srjedźneho pola třěli pak Dennis Wagner bul snadnje nimo (17.). Na to zjewi so přećiwniski nadběhowar cyle samlutki před Hahnom, tón swój nadawk na wrotowej liniji stejo znowa zmištrowa (18.). W dalšim wotběhu wosta partija wurunana, doniž Franc Gödig, na prawej stronje derje zasadźe­ny, kulowatu kožu wótrje před klětku hosći­ njesadźi. Třělwu přiwza Wagner, ale znowa do wrotow njetrjechi (43.).

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND