Test wuspěšny był, ale dypkowu hru njepřewjedli

wutora, 31. měrca 2020
artikl hódnoćić
(0 )
Młoda koparska garda Sokoła Ralbicy/Hórki přihladuje starym knjezam-Sokołam. To bě dotal wot měrca hač do oktobra kóždy druhi pjatk wječor móžno. Nětko čakaja wšitcy na kónc zakaza bulkopanja.  Foto: Jörg Stephan Młoda koparska garda Sokoła Ralbicy/Hórki přihladuje starym knjezam-Sokołam. To bě dotal wot měrca hač do oktobra kóždy druhi pjatk wječor móžno. Nětko čakaja wšitcy na kónc zakaza bulkopanja. Foto: Jörg Stephan

ST Hnašecy-Dobruša

– Sokoł Ralbicy/Hórki 1:8 (1:2)

Zestawa hosći: Pilc – Rychtar, Zynda, Matka, M. Žur, Šołta, Obst (60. Brězan), Lulak, Čornak, Serbin, Brückner

Spočatk měrca běše koparski swět hišće w porjadku a koparjo Sokoła Ralbicy/Hórki wuchadźachu z toho, zo so winowatostne hry starych knjezow 14. měrca z pokalnej hru zahaja. Zo bychu prawje přihotowani byli, zorganizowachu sej partiju na kumštnym trawniku w Dobruši. Mustwje njeběštej do toho ženje pře­ćiwo sebi nastupiłoj.

Pola Sokołow bul k zadźiwanju jara derje běžeše. Nowy trawnik a dobra motiwacija k tomu přinošowaštej. Tak wuhrachu sej prěnje składnosće, kotrež pak wrotar hosćićela znješkódni. W 20 min. pak běše bjezmócny, jako Daniel Brückner nawjedowanje docpě. Druhe wrota běchu kuriozne. Bosćij Lulak, znaty za daloke zamjety, ćisny bul hłuboko do šěsnatki, wrotar chwataše hrajnemu nastrojej napřemo, so jeho hišće z rukomaj dótkny, tola bul kuleše so do wrotow. Do połčasa zawinowachu Sokoljo jědnatku, kotruž domjacy wěsće přetworichu.

wozjewjene w: Sport

Galerija

dalši wobraz (1) Bosćijej Lulakej (naprawo, Ralbicy) bul wotewzać njeje ženje lochko. Zwjetša staj dwaj přećiwnikaj trěbnaj.
Prošu přizjewće so, chceće-li komentar podać

Serbska debata

nowostki LND