Přestawka w regionalnej lize Braniborskeje podlěšena

wutora, 22. decembera 2020
artikl hódnoćić
(0 )
Tajke syły přihladowarjow w Choćebuskim Stadionje Přećelstwa hižo dołho byli njejsu a znajmjeńša hač do kónca januara njebudu. Hrajny wuběrk Sewjerowuchodneho koparskeho zwjazka (NOFV) je winowatostne hry hač do 1. februara 2021 wusadźił.  Foto: Georg Zielonkowski Tajke syły přihladowarjow w Choćebuskim Stadionje Přećelstwa hižo dołho byli njejsu a znajmjeńša hač do kónca januara njebudu. Hrajny wuběrk Sewjerowuchodneho koparskeho zwjazka (NOFV) je winowatostne hry hač do 1. februara 2021 wusadźił. Foto: Georg Zielonkowski

Z pomocu widejoweje konferency srjedź decembra je dźěłowa skupina „dalewjedźenje winowatostnych hrow“ Sewjerowuchodneho koparskeho zwjazka Němskeje (NOFV) wo móžnosćach dalewjedźenja tychle partijow wuradźowała. K tomu je 19 towarstwow cyle rozdźělne namjety zapodało. Často pak poćahowachu so wone na aktualnu poziciju w tabulce. Při wšitkich přemyslowanjach steještej zahaćenje pandemije a strowota kóždeho před sportowskim a hospodarskim aspektom. Diskusija steješe sylnje pod aktualnym lockdownom a aktualnymi ličbami kołowokoło pandemije.

Hrajnemu wuběrkej na kóncu konferency doporučichu, z regionalnej ligu hakle po 31. januaru 2021 pokročować, zo by na kóncu tež rozsud wo zestupje a postupje na hrajnišću nastał. Zakónčić prěnje koło ma při tym najwyšu prioritu. A to wšo ma hač do 30. junija 2021 zakónčene być, při čimž maja tež předpisy z towaršnosće wobkedźbować. Nadrob­no­sće a jednotliwe mysle a přeća kaž na přikład Biskopičanskeho KT abo FC Energije Choćebuz chce dźěłowa skupina na přichodnym posedźenju 13. januara 2021 rozjimać.

Dodawk k regionalnej lize

wozjewjene w: Sport
Prošu přizjewće so, chceće-li komentar podać

Serbska debata

nowostki LND