Sezona dočasnje zakónčena

wutora, 13. apryla 2021
artikl hódnoćić
(0 )
Łužiske lodohokejowe liški hraja tež w přichodnej sezonje w druhej Němskej lodohokejowej lize (DEL 2). Ta mjenujcy lětsa žanoho zestupnika njezměje. Datum za start noweje hrajneje doby hišće postajeny njeje.  Foto: Thomas Heide Łužiske lodohokejowe liški hraja tež w přichodnej sezonje w druhej Němskej lodohokejowej lize (DEL 2). Ta mjenujcy lětsa žanoho zestupnika njezměje. Datum za start noweje hrajneje doby hišće postajeny njeje. Foto: Thomas Heide

Hłowne koło DEL 2 njebudźe hižo dohrate

Zamołwići a oficialni druheje Němskeje ligi w lodohokeju (DEL2) su so minjeny štwórtk dojednali hišće běžacu sezonu dočasnje zakónčić. Přičina za to je situacija kołowokoło koronapandemije.

Dale a wjace hrajerjow a čłonow ně­kotrych mustwow je so minjene dny z wirusom natyknyło, tak zo dyrbjachu do karanteny. Kónčna tabulka zestaji so nět­ko z pomocu kwocientneho prawidła wšěch hratych hrow hač do 8. apryla 2021. To rěka, zo dypki přez hry diwi­děruja. Při samsnym kwocienće liči ­potom diferenca třělenych a přećiwniskich wrotow. Za playoff-hry so wosom naj­lěpšich mustwow kwalifikuje. Hdy ­tele partije přewjedu, njeje hišće jasne.

wozjewjene w: Sport

Galerija

dalši wobraz (1) Škitar Philipp Kuschel njemóžeše w zašłych hrach schorjenja dla 100 procentow na lód přinjesć.
Prošu přizjewće so, chceće-li komentar podać

nawěšk

nowostki LND