Cyril Pjech z Berlina piše:

Němscy Saksojo – je tež serbskich, ja k nim njesłušam! – maja po wšěm zdaću wosebje wuwity strach před druhimi ludami, zo woni jim jich saksku domiznu wozmu. Před něšto lětami nasta w Drježdźanach – tam rozrosće na 15 000 wobdźělnikow – a druhich sakskich městach, wosebje w Lipsku, hibanje Pegida – Patriotische Europäer gegen die Islamisierung des Abendlandes. W swojej strachoće mějachu so hnydom za Europjanow! Ale tute sakske hibanje njeje nowe a ma po wšěm zdaću jara stare korjenje, kaž móžemy w najnowšim Rozhledźe w nastawku dr. Lubiny Malinkoweje čitać.