Čitar Stanisław Nawka je redakciji Serbskich Nowin slědowacy tekst k wozjewjenju zapodał:
Chcu skrótka jako jedyn ze zamołwitych za zjawnostne dźěło Serbskeho sejma, tež rěčnik mjenowany, wo našim 53. posedźenju dnja 16. meje 2026 we Wojerecach informować. Zhromadźeni běchmy 14 sejmikarjow. Chcu dwaj dypkaj wuzběhnyć, kotrejž steještej w srjedźišću našeho zetkanja.
Hagen Domaška bě so w předpolu intensiwnje zaběrał z problematiku wužiwanja pismikow při wužiwanju SEPA-bankowanja, a to nic jenož serbskich, ale tež druhich mjeńšinowych rěčow Němskeje. A nětko dźe wo konkretny druhi krok, wužiwanje wšěch rěčow a z tym tež pismikow w Europje zmóžnić. Prawnisce je to móžno, ale njetrjebamy podarmo čakać, zo nalutowarnje a banki to swojowólnje činja. Za to budźe so Serbski sejm nětko zasadźeć a wojować. Za tutón nadawk njedóstanjemy ani fenka, ani podpěry – činimy to jako patrioća. To dyrbi so tu tež raz prajić.
