FC Energija Choćebuz –
Hertha BSC Berlin II 1:2 (1:1)
Zestawa domjacych: Bethke – Hasse, Slamar, Hildebrandt, Borgmann, Hofmann (69. Shcherbakovski), Eisenhuth (56. Kujović), Oesterhelweg (69. Abu-Alfa), Badu (56. Thiele), Hottmann (56. Heike), Wähling.
To njebě hrajny dźeń načolnych teamow regionalneje ligi sewjerowuchod, přetož na prěnim polu zaměstnjenej mustwje Jena a Altglienicke dóstaštej po 0:0 jenož ličak. Načolnik Erfurt wosta při swojej poražce samo dospołnje bjez kóždeho dypkoweho dobytka. Tola tele dary konkurentow wotpokaza FC Energija, přetož tež druhi tabulki přěhra na 26. hrajnym dnju a wosta tak bjez kóždeho ličaka.
Kopańca, regionalna liga muži
Altglienicke – Carl Zeiss Jena 0:0 (0:0)
Lichtenberg – Berlinski AK 0:2 (0:0)
Erfurt – Viktoria Berlin 0:1 (0:0)
Choćebuz – Hertha BSC II 1:2 (1:1)
Meuselwitz – SV Babelsberg 0:3 (0:3)
Luckenwalde – Kamjeničanski FC 0:0 (0:0)
BFC Dynamo – Greifswaldski KK 5:0 (4:0)
1. FC Čerwjeno-běli Erfurt 26 51 : 23 52
2. FC Energija Choćebuz 25 52 : 22 49
3. VSG Altglienicke 25 50 : 25 46
4. FC Carl Zeiss Jena 25 38 : 15 45
5. BFC Dynamo 26 42 : 31 43
6. BSG Chemija Lipsk 26 39 : 33 43
7. Lok Lipsk 25 41 : 33 41
8. Kamjeničanski FC 26 36 : 26 40
9. FC Viktoria Berlin 26 37 : 32 40
10. SV Babelsberg 26 38 : 33 39
11. Berlinski AK 25 34 : 29 36
12. Greifswaldski KK 26 38 : 37 33
13. Hertha BSC II 25 37 : 46 31
14. FSV Luckenwalde 26 27 : 38 29
15. ZFC Meuselwitz 26 33 : 52 25
16.SV Lichtenberg 26 23 : 51 20
17. Germania Halberstadt 25 22 : 56 12
18. Tennis Borussia Berlin 25 17 : 73 12
ST Łobjowy kraj Coswig-Mišno –
Viktoria Worklecy 3:2
(21:25, 25:18, 18:25, 25:18, 15:7)
Posledni hrajny dźeń w sakskej klasy bě za tři mustwa woprawdźity showdown wo zestup abo zdźerženje klasy. Za Worklečanskich wolejbulistow rěkaše to, we wonkownej hrě pola Coswiga-Mišnja na kóždy pad dypkować, zo bychu realistisku šansu na zdźerženje klasy wobchowali. Koblicy mějachu w samsnym času domjace prawo přećiwo Wojerecam a Motor Mickten, kiž běchu tež wot zestupa wohroženi. Tuž móžachu Kobličenjo ze swójskeje mocy skok na wuchowacy brjóh docpěć. Serbska šěstka pućowaše drje z trochu deciměrowanym kadrom do Coswiga, bě pak jara motiwowana, swój són zwoprawdźić.
SJ Chrósćicy II –
ST Zeleno-běli Sepicy 4:1 (2:0)
Zestawa domjacych: Škoda – Matješk, Zynda, Kreuz, Handrik, G. Zahrodnik, Wornar (75. Čornak), Młynk (75. M. Donat), K. Zahrodnik (65. B. Donat), J. Donat, Krawc (65. Liznar)
Njedźelu bě koparske mustwo ze Sepic do Hórkow přijěło, zo by so tam z Chróšćan rezerwu měriło. Wobě mustwje wojujetej přećiwo zestupej z wokrjesneje ligi. Sepičenjo stejachu před hru na zestupnym předposlednim městnje z jědnaće dypkami. Chróšćenjo njeběchu do hry lětsa hišće scyła dypkowali a mějachu tohorunja jenož jědnaće ličakow. K tomu kopaše so špatneho wjedra dla w legendarnym stadionje w Hórkach.
Sokoł Ralbicy/Hórki –
SC Großröhrsdorf 1:0 (1:0)
Zestawa domjacych: Ch. Gloxyn – M. Matka (46. Korjeńk), Schultz, A. Wałda, T. Wałda, Rachela, D. Gloxyn, Šołta, Šewc, Nuk (70. Ričl), Domaška
Po njetrjebawšej poražce tydźenja w Budyšinje přećiwo Póstej Germaniji rěkaše doma přećiwo Großröhrsdorfej, sej tři dypki wuwojować. Hosćo z Rödertala mějachu do hry 26 ličakow na konće, runje tak kaž Sokoljo. Tuž wočakowachu 83 přihladowarjow runohódnu partiju.
A tajka so tež wot spočatka do kónca wuwiwaše. Na zbožo pak poradźi so domjacym hižo po štwórć hodźinje nawjedowanje. Dołhi bul škitarjo Sokoła wotpopadnychu a hrajachu jón hnydom kapitanej Dennyjej Gloxynej. Tón dołho nječakaše a kulowatu kožu ze 30 metrow do dołheho róžka přetwori, krasne to nawjedowanje. Sokoljo běchu hač do połčasa dale jenož přez standarty strašni, hosćo spytachu so dale z dołhimi bulemi. Tola na woběmaj bokomaj hrajerjo wjac wyskać njemóžachu.
Kopańca, wokrjesna wyša liga
Łaz/Běły Chołmc – Něm. Pazlicy 2:3 (1:0)
Hnaš.-Dobruša – Biskopicy II 3:3 (1:2)
H. kraj-Sprjewja – Otten.-Okrilla 1:2 (1:1)
ST Ćisk – ST Porchow4:0 (3:0)
Sokoł – SC Großröhrsdorf 1:0 (1:0)
Kinspork/Łužnica – TSV Wachau 2:7 (1:6)
1. Biskopičanske KT II 20 67 : 16 50
2. Póst Germania Budyšin 20 51 : 21 46
3. Módro-běli Kulow 20 42 : 14 46
4. Natwar Němske Pazlicy 21 62 : 23 45
5. ST Hnašecy-Dobruša 21 65 : 43 39
6. ST Horni kraj-Sprjewja 20 58 : 34 37
7. FV Ottendorf-Okrilla 21 45 : 38 32
8. Sokoł Ralbicy/Hórki 20 35 : 29 29
9. SG Großnaundorf 19 27 : 27 27
10. SC Großröhrsdorf 21 33 : 32 26
11. HZ Łaz/Běły Chołmc 20 28 : 34 23
12. TSV Wachau 21 42 : 63 23
13. ST Radwor 19 30 : 53 16
14. ST Porchow 21 24 : 70 12
15. ST Ćisk 21 23 : 76 9
16. ST Kinspork/Łužnica 21 22 : 81 6
Wokrjesna liga stafla I
Malešecy – Kumwałd/Schönb. 4:3 (0:3)
ST Kubšicy – Arnsdorfske KT 2:0 (1:0)
Wjernarjecy – Bukecy 1:3 (0:1)
ST Wjelećin – TSV Wjazońca 1:3 (1:0)
Bretnig-Hauswalde – Połčnica 1:2 (0:2)
SV Haselbachtal – ST Bart 2:1 (0:1)
1. TSV Połčnica 16 47 : 26 35
2. Arnsdorfske KT 17 40 : 24 32
3. ST Kubšicy 17 33 : 24 32
4. TSV Wjazońca 17 45 : 31 30
5. Bretnig-Hauswalde 16 46 : 28 29
6. HZ Huska/Hodźij 15 37 : 26 25
7. Zeleno-běli Bukecy 17 36 : 29 25
8. Traktor Malešecy 17 34 : 33 25
9. ST Bart 17 25 : 32 25
10. TSV Wjernarjecy 17 43 : 46 21
11. HZ Frankenthal 16 20 : 35 15
12. SV Haselbachtal 16 20 : 35 13
13. HZ Kumwałd/Schönb. 17 30 : 63 13
14. ST Wjelećin 17 24 : 48 9
Wokrjesna liga stafla II
Wojerowski FC II - ST Hlinowc 1:1 (1:0)
FSV Łuty - ST Marijina hwězda 2:1 (1:0)
Wósl./Skask./Kul. II - Rakecy II 1:1 (0:0)
LSV Hory - ST Lubuš2:1 (0:1)
SJ Chrósćicy II - Sepicy 4:1 (2:0)
FSV Łuty –
ST Marijina hwězda 2:1 (1:1)
Zestawa hosći: Matik – Wróbl (86. Weclich), Zynda, Jurš, Hoge, Langer (46. Clausen), Cyž, Zelnak, Schmidt (75. Ladewig), Pakoßnick, Eldor (78. Bulank)
Sobotu podachu so koparjo Marijineje hwězdy cyle daloko do sewjera Budyskeho wokrjesa, do małeho městačka Łuty. Tamniše koparske sportowe towarstwo steji tuchwilu na dobrym 5. městnje w tabulce wokrjesneje ligi stafla II. Pančičenjo su samo třeće. Tuž dyrbješe so z hry na samsnej runinje wuchadźeć. Runje to nawopačne pak bě pad.
Awtor dźensa
Jan Hrjehor
„Prošu 11,50 eurow!“, rjekny mi njedawno přećelna młoda žona w małej budce před tunlom w Awstriskej, kiž wjedźe přez horu Aarlberg. „Hižo zaso popłatk? Sym tola předwčerawšim hakle za Awstrisku digitalnu wignetu za 9,90 eurow za dźesać dnjow kupił! A ta tu njepłaći?“, so Awstričanku přez wočinjene wokno mojeho awta přećelnje woprašam. Posměwk mi do Škodowki je hišće přećelniši a wotmołwa: „Bohužel to tak je, to je jenička móžnosć za tebje, jeli chceš sej bjezbóžny wokołopuć zalutować.“ Tuž wočinich swoju móšničku a wućahnych přichodnu bankowku. Hižo přez Čěsku sym na mojej lětušej zymskej dowolowej jězbje wokoło 13 eurow nadróžneho popłatka płaćił, nětko Awstriska. Hišće njejsym mój cil, wulku sewjernu sćěnu hory Eiger w Grindelwaldźe w Šwicarskej w Bernskim Hornim kraju, docpěł a hižo sym něhdźe 35 eurow popłatka za dróhi a tunl zapłaćił. Zo změju pozdźišo w Šwicarskej hišće dalšu „popłatkowu překwapjenku“ mi při jězbje wědome njebě.