Wo tym, kak hodźała so demografiska změna na wsach Hornjeje Łužicy zmištrować, wuradźowachu wobdźělnicy fachoweje konferency minjeny pjatk w Budyskim Kamjentnym domje.

Budyšin (CS/SN). K zahajenju konferency předstajichu wuslědki projekta „Wuwićowe perspektiwy na wsy“. Ćežišćo přepytowanjow projekta bě prašenje, hač so přechod mjez šulu, wukubłanjom a powołanjom radźi. Za wuchodnu Saksku běchu spadnjeny niwow wukubłanja šulskich wotchadnikow zwěsćili. Byrnjež dale a wjac swobodnych wukubłanskich městnow było, njehodźi so kwalifikacija k žadanjam dźěłowych městnow.

Do dźěłarničkow – na nich mějachu so rozrisać wobchadźenje z pobrachowacymi fachowcami, centralna róla srjedźneho stawa a bój wo dorost – su tematiske přednoški trěbne nastorki dali.