Tysacy ludźi přećiwo wudobywanju brunicy protestowali
Wjelcej/Prožym (SN/BŠe). Tysacy přećiwnikow brunicy su minjeny kónc tydźenja wšelake akcije ciwilneje njeposłušnosće wokoło Wjelčanskeje wuhloweje jamy kaž tež milinarnje w Čornej Pumpje přewjedli. Namołwjał k tomu bě zwjazk Ende Gelände we wobłuku klimoweho campa, kotryž běchu w Prožymje wotměli. Ende Gelände rěčeše wo 3 500 wobdźělnikach na protestach, a to z cyłeje Europy. Cyłkownje 4 000 ludźi bě na klimowy camp přijěło.