Sylne graty z něhdyšeho rězaka za krute zwiski

srjeda, 06. julija 2016
artikl hódnoćić
(0 )
Wuspěšna Sernjanska trójka předewzaća M-PT su šef Michał  Matješk, Carmen Hebestreitowa a Felix Hebestreit (wotprawa). Ze swojim dźěłom zaručeja woni stajne krute a wěste zwiski šrubow wulkich dimensijow. Foto: SN/Maćij Bulank Wuspěšna Sernjanska trójka předewzaća M-PT su šef Michał Matješk, Carmen Hebestreitowa a Felix Hebestreit (wotprawa). Ze swojim dźěłom zaručeja woni stajne krute a wěste zwiski šrubow wulkich dimensijow. Foto: SN/Maćij Bulank

Swójbny zawod w Sernjanach dźěła nastroje za načasnu produkciju miliny a energije

Blisko něhdyšeho Sernjanskeho rězaka pokazuje tafla nalěwo, do směra na Nowoslicy. Na tafli steja tři pismiki, za kotrymiž chowa so wuspěšne swójbne předewzaće: M-PT Matjeschk-PowerTools, štož móhło serbsce rěkać: Ma­tješkec sylne graty.

Dźensa wosebje za zhotowjerjow a monterow wulkich wětrnikow a w hórnistwje trěbne sylne šrubowaki, elektriske runje tak kaž hydrawliske, zhotowja, reparuje a rozšěrja Matješkec swójbny zawod. Předewzaće Michała Matješka je so wukmaniło na jednoho z mało zhotowjerjow sylnych šrubowakow za montažu wulkich dźělow, kotrež šruby najwjetšich dimensijow hromadźe dźerža.

wozjewjene w: Hospodarstwo

Galerija

dalši wobraz (1) Tele šrubowaki su „made by M-PT“ a zakład wuspěcha małeho, ale spušćomneho swójbneho předewzaća. W nich zatwarjena elektronika bu w zawodźe wuwiwana. Serwis a porjedźenje nastrojow zaruča zawod tež na městnje. Přewažnje pak woža wužiwarjo gratow swoje nastroje do Sernjan na serwis a přehladanje.
Prošu přizjewće so, chceće-li komentar podać

Serbska debata

nowostki LND