Na hasach tež serbske zynki zaklinčeli

póndźela, 05. septembera 2016
artikl hódnoćić
(0 )
Na wjacorych městnach wokoło Budyskeje Hošic hasy je sobotu tež Hostakec trójka wustupiła a serbske pěsnje zanjesła.  Foto: Carmen Schumann Na wjacorych městnach wokoło Budyskeje Hošic hasy je sobotu tež Hostakec trójka wustupiła a serbske pěsnje zanjesła. Foto: Carmen Schumann

Budyšin (CS/SN). Po prěnim nadróžnym swjedźenju před třomi lětami su sobotu w štyriróžku mjez Póstowym naměstom, Hošic hasu, Seminarskej a Karla Marxowej druhi tajki organizowali. Dźakowano krasnemu lětnjemu wjedru běchu sta Budyšanow a jich hosćo na hasach – wone su za wobchad zawrjene byli – po puću, zo bychu dundali, hladali, něštožkuli słódne zjědli a wupili a na hudźbu słuchali. Přihotowali su nadróžny swjedźeń angažowani wikowarjo, kotřiž nochcedźa, zo so tale štwórć nutřkowneho města wuspinkuje. Sobuorganizatorka Olivia Jakschik z wobchoda za dźěćacu modu Kap:un bě z wothłosom spokojom. Byrnjež přihoty napinace byli, su so wone zadanili. Wopytowarjo běchu přewažnje zahorjeni a nadźijeja so nětko dalšeho wo­spjetowanja.

wozjewjene w: Hospodarstwo
Prošu přizjewće so, chceće-li komentar podać

nawěšk

  • SERBSKE NOWINY – Wědźeć, što so stawa! –

Ze swjedźenskim kóncom tydźenja su njedawno w Slepom 9. mjezynarodny festiwal dudakow a zdobom 750. róčnicu wobstaća wsy hódnje woswjećili. Jako mały přikusk k rozprawnistwu podawamy zajimowanym čitarjam SN-o

nowostki LND