Njeje wjele bjezdźěłnych ćěkancow

póndźela, 05. septembera 2016
artikl hódnoćić
(0 )

Mnozy požadarjo azyla, kotřiž chcedźa we wuchodnej Sakskej dźěłać, nimaja za to hišće žanu dowolnosć. Zwjetša wšak pobrachuje jim tež powołanska kwalifikacija.

Budyšin (CK/SN). W Hornjej Łužicy bě w awgusće 1 770 bjezdźěłnych wukrajnikow. To je pjeć procentow wšěch bjezdźěłnych. Najwjace z nich je Polakow (439), kotřiž smědźa jako wobydlerjo Europ­skeje unije bliskeje hranicy dla sposrědkowanje agentury za dźěło wužiwać. Za­pisanych je nimo toho 81 Rusow, 59 Turkow a 46 Čechow kaž tež 234 ćěkancow. Dołhož so jich próstwa wo azyl wobdźěłuje, dohladuje jich dźěłowa agentura. Při pozitiwnym rozsudźe je jobcentrum přisłušny, při ćerpjenju bjez azyla zaso dźě­łowa agentura. Mnozy požadarjo azyla, kiž móhli dźěłać, nimaja hišće žanu trěbnu zarjadnisku dowolnosć. Tohodla je jich ličba přewidźomna, rjekny šef Budyskeje agentury za dźěło Thomas Berndt. „Nichtó njetrjeba so tuž bojeć, zo požadar azyla jemu dźěło preč wozmje.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND