Dźěło w ratarstwje je šansa a wužadanje

srjeda, 14. decembera 2016
artikl hódnoćić
(0 )
Po wokołopuću je Beno Buk z Pěskec k ratarstwu přišoł. Jemu je wažne wšostronsce  wukubłany ratar być. Foto: Jan Kral Po wokołopuću je Beno Buk z Pěskec k ratarstwu přišoł. Jemu je wažne wšostronsce wukubłany ratar być. Foto: Jan Kral

Tež w zelenych powołanjach je dale a mjenje wučomnikow – wobłuk pak je dosć zajimawy a skići naročne nadawki

Podobnje kaž w druhich hospodarskich wobłukach je so ličba wučomnikow tež we wobłuku tak mjenowanych zelenych powołanjow w minjenych lětach pomjeńšiła. W ratarstwje dźěłać pak je šansa a wužadanje zdobom. Wšako jedna so wo jara naročny wobłuk z wobstajnje přiběracymi žadanjemi ze stron přetrjebarjow kaž tež z dale a krućišimi postajenjemi ze stron politiki. Ratarske powołanja steja skerje cyle deleka na lisćinje požadanych wukubłanskich městnow mjez šulskimi wotchadnikami.

Wosebje wobšěrnych zakonskich rjadowanjow a načasnych hospodarsko-politiskich žadanjow dla pak su wosebje w ratarstwje derje wukubłani fachowcy a wysoko kwalifikowani nawodźa dźeń a požadaniši. We wšitkich ratarskich powołanjach su trěbni angažowani, samostatni a sylnje motiwowani fachowcy. Zajimowanym­ młodostnym skići runje ratarstwo mnohostronske móžnosće z dobrymi wuhladami na dźěło a dalšu kwalifikaciju.

wozjewjene w: Hospodarstwo

Galerija

dalši wobraz (1) Wito Kubańk je wučomnik w zawodźe „Łužica“ – wotnožka to Róžeńčanskeje agrarneje AG Sorabia. Rady dźěła młodostny z modernej techniku na polach.
Prošu přizjewće so, chceće-li komentar podać

Serbska debata

nowostki LND