Wojerowski cityjowy management so z čěskimi předewzaćelemi zetkał

Wojerecy/Jablonec nad Nisou (SN/BŠe). Wojerowske stare město ma so wožiwić. Hakle w oktobrje bě čěska delegacija do města přijěła a so wo wikowanskich resursach wobhoniła. Kaž cityjowa managerka Yvonne Zschornack-Lubner zdźěli, bě zeńdźenje 22. nowembra chětro wuspěšne a na rozmołwy hodźi so natwarjeć. Nětko pobyštaj wona a jeje kolega Frank Graumüller w čěskim Jablonecu nad Nisou, hdźež běše dalše zarjadowanje za zajimcow, kotřiž noša so z mysličku, we Wojerowskim starym měsće wobchod wotewrěć. Jiří Zahradník, sobu­dźěłaćer Žitawskeho kontaktoweho centruma za saksko-čěsku hospodarsku kooperaciju, je zeńdźenje mjez čěskimi wikowarjemi a Wojerowskim cityjowym managementom organizował.