Šěrokopasmowy wutwar je šansa rjemjeslnikam
Budyšin (SN/at). Hdyž Budyski wokrjes wutwar šěrokopasmoweho spěšneho interneta zwoprawdźi, chcedźa tudyši rjemjeslnicy na nadawkach wobdźěleni być. To woni nimo polěpšenja swójskeje internetneje prezency, móžnosće a spěšnosće daty transferować, prosće wočakuja. Na to skedźbni jednaćelka Budyskeho wokrjesneho rjemjeslnistwa Sabine Gotscha-Schock w rozmołwje z našim wječornikom. „Smy w tym nastupanju krajnemu radźe 21. nowembra list napisali a tež wotmołwu dóstali. W prěnjej rozmołwje z wokrjesnymi rjemjeslniskimi mištrami smy hromadźe z přirjadnicu krajneho rady Birgit Weber wuchadźišća rozjimali. Jeje poskitk informaciskeho zarjadowanja na temu spočatk 2017 rady přiwozmjemy“, rjekny jednaćelka.