Baćony z cyłeje Němskeje lahnu we Łužicy

pjatk, 23. junija 2017
artikl hódnoćić
(0 )
Pjeć młodych baćonow je so loni w Komorowje pola Rakec wulahnyło a žiwych wostało. Staršej stej tuž dosć cyroby w bliskich wodźiznach a na łukach wokoło wsy našłoj. Andreas Baumgärtel Pjeć młodych baćonow je so loni w Komorowje pola Rakec wulahnyło a žiwych wostało. Staršej stej tuž dosć cyroby w bliskich wodźiznach a na łukach wokoło wsy našłoj. Andreas Baumgärtel

Wosebity pjeršćeń wě dosć zajimaweho kołowokoło wulkopyskateho ptaka powědać

Baćony lubuja włóžnu krajinu, hdźež nańdu dosć cyroby. Swoju domiznu maja tuž tež w hatatej Łužicy. Swoje hnězda twarja na třěchach chěžow, na wuhenjach­ a na milinowych sće­žorach.

Informacisku taflu wo Radworskich baćonach staj nalěto Pawoł Rěčka a jeho syn Markus připrawiłoj. Za to běštaj zajimawe informacije zestajałoj. Baćonjace hnězdo w Radworju je hižo 43 lět stare a bě jeno tři lěta prózdne. Wšón tamny čas je w nim 60 młodźatow wotrostło. Wšitke su so na puć do juha nastajili, jenož jedyn jenički nic. W lěće 2015 bě mjenujcy młody baćon z hnězda padnył a sej křidło złamał. Jeho dowjezechu do přirodoškitneje stacije w Zhorjelcu, hdźež dźensa hišće je.

Napisane tohorunja je, hdy su so baćony kóžde lěto ze zym­skeho kwartěra nawróćili.­ Hižo štyri lěta přileći stajnje samsny baćon do Ra­dworja. Kaž tak mjenowany čorny ELSA-pjeršćeń na noze přeradźa, bě so wón lěta­ 2009 w Roch­litzu narodźił. 2013 je samo baćon ze susodneje­ Kamjeneje w Radworju na hnězdźe sydał, ale jenož te jedne lěto.

wozjewjene w: Hospodarstwo

Galerija

dalši wobraz (1) Tež w Radworju maja wot nalěća taflu, na kotrejž zhoniš tójšto zajimaweho kołowokoło tamnišich baćonow.
dalši wobraz (2) Loni stej so čornej baćonaj w hatach sewjernje Radworja wulahnyłoj. Hdys a hdys móžachu jej ludźo tež na łukach wuhladać.
dalši wobraz (3) W Chasowje su so lětsa štyri baćony wudypali. Přichodne tydźenje maja wone dosć mocy nabyć, zo móža so potom na dołhi puć do směra na juh nastajić.
Prošu přizjewće so, chceće-li komentar podać

nawěšk

nowostki LND