Milina bywa dźeń a zeleniša

wutora, 08. awgusta 2017
artikl hódnoćić
(0 )

Koždy wobydler Budyskeho wokrjesa přetrjebuje 6 100 kilowattnych hodźin miliny wob lěto, wuchadźeš-li z ličby ludnosće. To je mjenje hač zwjazkowy přerězk 7 300 kilowattnych hodźin.

Budyšin (CK/SN). Wuslědk pokazuje, zo je wědomje ludźi rostło, runje tak jich disciplina, wšako začuwa kóždy wobchadźenje z milinu w swójskej móšni, kaž rozłoži to Birgit Weber, přirjadnica Budyskeho krajneho rady. Daty su z rozprawy wo milinje a parnišćowych płunach wo­krjesa za lěto 2016, kotruž su dźensa w krajnoradnym zarjedźe přepodali. Po rozprawje wučinja „zelena milina“ w Budyskim wokrjesu hižo třećinu dospołneje miliny. Wona je po 61 procentach z fotowoltaikowych připrawow a po 33 procentach z wětrnikow, kaž prof. dr. Jürgen Besold z Technologijoweho a załožerskeho centruma Budyšin wuswětli.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND