Nadźijeja so wjace słónca poručenje

wutora, 15. awgusta 2017
artikl hódnoćić
(0 )
Za ratarjow płaći prawidło: Po žnjach je do žnjow. W tym zmysle dźěła tule dźensa sobudźěłaćer Zdźěrjanskeje holanskeje farmy Dennies Thomas na polu mjez Lutobčom a Chwaćicami. Bórze chcedźa tam rěpik wusyć, z kotrymž změja nadźijomnje lěpše wunoški hač lětsa.  Foto: SN/Maćij Bulank Za ratarjow płaći prawidło: Po žnjach je do žnjow. W tym zmysle dźěła tule dźensa sobudźěłaćer Zdźěrjanskeje holanskeje farmy Dennies Thomas na polu mjez Lutobčom a Chwaćicami. Bórze chcedźa tam rěpik wusyć, z kotrymž změja nadźijomnje lěpše wunoški hač lětsa. Foto: SN/Maćij Bulank

Łužiscy ratarjo zhladuja lětsa na skerje srěnje žně

Zdźěr/Radwor/Róžant (SN/BŠe). Žně žita na łužiskich polach su nimale do­kónčene. Bórze chcedźa tež kukuricu a běrny dochować. Ale stajnje zaso nawróćace so zliwki a šwihele ratarjow nuzuja­ dźěła přetorhnyć. Njezadźiwa tuž, zo so woni njewobstajneho wjedra dla starosćeja.

Nječiń wjetšu škodu, hač maš wužitka! Po tymle prawidle dźěła tuchwilu Zdźěrjanska holanska farma. „Pola a łuki su dešća w minjenym tydźenju dla přemokre. Tuž je nam ćežko z dźěłami pokročować“, zdźěli jednaćel agrarneho předewzaća Udo Noack. Na zbožo bě so jim hišće do srjedowneho njewjedra poradźiło rěpik a žito dožnjeć, wón doda. Nětko měli łuki posyc, a hižo přichodny tydźeń chcedźa na honach wokoło Zdźěrje poprawom rěpik wusyć. Hač k tomu dóńdźe, hišće jasne njeje. „Nadźijamy so słónca, zo bychmy zaso na pola móhli“, jednaćel měni. Na 35 hektarach holanska farma lětsa běrny plahuje. Tež te nje­móža tuchwilu wobdźěłać. Lěpje wupada to na płoninach, hdźež rosće kukurica. Po suchim nalěću je rostlinam dešć w lěću jara tył, tak zo su suchu periodu zaso nachwatali.­

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND