Swój powołanski zaměr docpěł

štwórtk, 31. awgusta 2017
artikl hódnoćić
(0 )
Hordźe je Johannes Jurš swoje prěnje wurjadne a naročne dźěło jako wučomnik w Kamjenskim zawodźe ewag předstajił. Mnohim zajimcam powědaše wón tež wo wukubłanju a wo wosebitych narokach na blidarske powołanje. Foto: Jan Kral Hordźe je Johannes Jurš swoje prěnje wurjadne a naročne dźěło jako wučomnik w Kamjenskim zawodźe ewag předstajił. Mnohim zajimcam powědaše wón tež wo wukubłanju a wo wosebitych narokach na blidarske powołanje. Foto: Jan Kral

W časach, hdyž pyta wjele rjemjeslniskich zawodow za fachowym dorostom, su wosebje derje wukubłani młodźi ludźo wulce prašani. Jedyn z nich je 19lětny Johannes Jurš z Miłoćic, kiž bě kónc julija swoje wukubłanje jako blidar wuspěšnje zakónčił. Hižo poměrnje zahe wón wědźeše, zo chce raz do tohole powołanskeho směra hić a so z rjemjeslnikom stać. Tak je, wuchodźiwši 10. lětnik Worklečanskeje wyšeje šule, na powołansku šulu w Kamjencu šoł a je zhromadnje z dalšimaj wu­čomnikomaj w rjemjeslniskim zawodźe Lingeus w Ottendorfje-Okrilli praktiske wukubłanje zmištrował. Te njebě runjewon lochke, dokelž njemějachu wučomnicy spočatnje žanoho fachoweho wukubłarja za praktiske dźěło. Hakle w 3. wukubłanskim lěće móžachu so pod fachowym nawodom na blidarja wukmanić.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND