Komory signal zhromadnosće wupósłali

wutora, 28. nowembera 2017
artikl hódnoćić
(0 )

Drježdźany (SN/at). Rjemjesło ma tež w přichodźe rjap srjedźostawskeho hospodarstwa być. Tohodla žadaja sej jeho zastupjerjo wotpowědne rozsudy, wosebje nastupajo financowansku strukturu Europskeje unije. Wšako přicpěwaja spěchowanju ze strukturneho fondsa EU wosebity wuznam.

To pak njeje jenož naležnosć Drježdźanskeje rjemjeslniskeje komory. Hromadźe ze swojimi pjeć partnerkami – regionalnej rjemjeslniskej komoru I’ll-de France, rjemjeslniskej komoru Val de Marne (wobě Francoska), Wrócławskej rjemjeslnikej komoru, rjemjeslnistwom Gostyń (wobě Pólska) a Děčínskej rjemjeslniskej komoru (Čěska) je wona minjeny pjatk rezoluciju „Rjemjesło skrućić – Regiony spěchować – Europu wožiwić“ podpisała. Politiske, hospodarske a towaršnostne wužadanja, kaž na přikład wobzamknjeny wustup Wulkeje Britaniskeje z EU, zastupjerjow rjemjeslnikow hnuja z poziciskej papjeru signal zhromadnosće wupósłać. Zdobom wusměrjeja swoje žadanja ze sylnym hłosom na politiskich rozsudźerjow w Brüsselu.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND