LEAG dźěła tež na projektomaj za energijowy přewrót

wutora, 05. decembera 2017
artikl hódnoćić
(0 )
Ministerskaj prezidentaj Sakskeje Stanisław Tilich (CDU) a Braniborskeje Dietmar Woidke (SPD, wotlěwa) staj sobudźěłaćerjam LEAG na Borborinym swjedźenju předewzaća wčera w Choćebuzu rjap skrućiłoj.  Foto: Michael Helbig Ministerskaj prezidentaj Sakskeje Stanisław Tilich (CDU) a Braniborskeje Dietmar Woidke (SPD, wotlěwa) staj sobudźěłaćerjam LEAG na Borborinym swjedźenju předewzaća wčera w Choćebuzu rjap skrućiłoj. Foto: Michael Helbig

Borborinowy swjedźeń koncerna LEAG steješe wčera wječor w Choćebuskej měšćanskej hali w znamjenju njewěsteho přichoda sobudźěłaćerjow politiskich rozsudow nastupajo wudobywanje brunicy dla. Ministerskaj prezidentaj Sakskeje a Braniborskeje Stanisław Tilich (CDU) a Dietmar Woidke (SPD) staj Zwjazk namołwiłoj, Łužicu njepřewostajeć njewěstemu dóńtej.

Choćebuz (SN/at). Nawoda předsystwa LEAG dr. Helmar Rendez dwě dopóznaći hnydom na dypk přinjese: Němska je jara zdalena wot toho, so k rozumnej energijowej politice nawróćić. „Mamy nětko čorne na běłym, kak chětře dadźa regiony spadnyć, słuži-li tomu, namakać politiski kompromis.“ W za předewzaće ćežkim połoženju pak su z wozjewjenjom noweho rewěroweho plana w měrcu prawje jednali. „A móžachmy wujasnić: Nic wšo, štož mamy dale za energijohospodarsce trěbne, móžeš dźensa hišće přede­wzaćelsce zastupować. To je tragiske.“ LEAG je po słowach Rendeza dale na třoch polach wužadane. Dźe wo to, być eficientnišo, fleksibelnišo a digitalnišo. W tym zwisku chwaleše wón staršich a młódšich sobudźěłaćerjow.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND