Škoda podobna kaž pola „Kyrila“

póndźela, 29. januara 2018
artikl hódnoćić
(0 )

Wichor „Friederike“ je tež w lěsach Budyskeho wokrjesa najwjetše škody minjenych jědnaće lět zawinował. Byrnjež dźensniši wokrjes hakle lěta 2008 nastał, zwěsća zarjad za lěsy, přirodu a wotpadkownistwo krajnoradneho zarjada podobnje wulku potrjechenosć kaž pola „Kyrila“ w lěće 2007.

Budyšin (SN/at). Wo doskónčnych ličbach Christian Starke, nawoda zarjada za lěsy, přirodu a wotpadkownistwo w Budyskim krajnoradnym zarjadnistwje, rěčeć nochce. „Tuchwilu trochujemy wot wichora „Friederike“ zawinowanu škodu w lěsach priwatnych a korporaciskich mějićelow na 150 000 do 200 000 kósnych metrow. Najbóle potrjechenej stej Rakečanski a Radworski lěsniski rewěr.“ Wosebje howriła bě „Friederike“ na Kaponicy. W Radworskim rewěrje skedźbnja Starke na gmejny Radwor, Wulka Dubrawa a Malešecy, w kotrychž su štomy jara ćerpjeli. Za Njebjelčanski rewěr, do kotrehož słušeja hłownje gmejny zarjadniskeho zwjazka Při Klóšterskej wodźe, su trochowanja škodu něhdźe 6 500 kósnych metrow wunjesli.

wozjewjene w: Hospodarstwo
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND