Žněja kralownu jahodow poručenje

wutora, 29. meje 2018
artikl hódnoćić
(0 )
Pola Sćijec su wčera započeli truskalcy žnjeć. Ursula Dutschmann z Domanic ratarskeho zawoda tam słódne čerwjene płody direkt nje z pola předawa. Wjetšina ludźi pak sej je sama šćipa. Plahowali su tam wjacore družiny, kotrež  we wšelakich časach zrawja. Při wozu na zahonu móžeš sej tež dalše wudźěłki kaž jabłuka, cyble, kórki abo tomaty z Domanic zawoda kupić. Trus kal cowe  polo je samošćiparjam wotnětka přistupne.  Foto: Carmen Schumann Pola Sćijec su wčera započeli truskalcy žnjeć. Ursula Dutschmann z Domanic ratarskeho zawoda tam słódne čerwjene płody direkt nje z pola předawa. Wjetšina ludźi pak sej je sama šćipa. Plahowali su tam wjacore družiny, kotrež we wšelakich časach zrawja. Při wozu na zahonu móžeš sej tež dalše wudźěłki kaž jabłuka, cyble, kórki abo tomaty z Domanic zawoda kupić. Trus kal cowe polo je samošćiparjam wotnětka přistupne. Foto: Carmen Schumann

Wjetši dźěl truskalcowych zahonow za samošćiparjow předwidźany

Budyšin (SN/BŠe). Truskalca je často jako kralowna jahodow woznamjenjena. A to je woprawnjene, wšako słuša nimo jabłuka k najwoblubowanišim domoródnym płodam. Po cyłej Hornjej Łužicy ludźo hižo­ prěnje zrałe truskalcy w swojich zahrod­kach šćipaja.

Runje tak je so sezona tele dny na ratarskich zahonach zahajiła. Tež za Mi­chała Domanju w Hózku, kiž wobhospodarja dwě truskalcowej poli, je so sezona započała. Tak ma jónu 1,5 hektarow le­žow­nosće pola Budyšina, hdźež móža sej zajimcy płody sami šćipać. Dalše 1,5 hektarow je na polach blisko Komorowa. Tam předewšěm pomocnicy słódke a čer­stwe jahody žněja. Hózkowčan wšak na to skedźbnja, zo w jeho zawodźe na ekologiske plahowanje dźiwaja. Tak njejsu rostliny tež z folijemi wodźěte, ale płody zrawja pod hołym njebjom.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND