Horcota, zliwki a suchota ratarjow poćežuja
Pomorcy (AK/SN). Je-li meja zymna a mokra, móža ratarjo z połnymi bróžnjemi ličić. Tale burska kaznja pak lětsa cyle njepłaći. „Wunošk žnjow rožki, ječmjenja, pšeńcy, rěpika a hrocha budźe na kóždy pad snadniši hač loni. Hišće njejasne su wunoški kukuricy, cokoroweje rěpy, běrnow kaž tež trawy a pólneje picy“, rozłožuje Friedrich Hesse z ratarskeho zawoda Friedrich & Stefan Hesse z Dubrawki.