Lědźanski swjedźeń z bohatym poskitkom

pjatk, 16. nowembera 2018
artikl hódnoćić
(0 )
Atmosfera na 27. Lědźanskim swjedźenju bě wulkotna. Anita Storch (3. wotlěwa) a tamni sobuskutkowacy móžachu jara spokojom być. Peter Becker Atmosfera na 27. Lědźanskim swjedźenju bě wulkotna. Anita Storch (3. wotlěwa) a tamni sobuskutkowacy móžachu jara spokojom być. Peter Becker

Wjedro lětsa k poradźenju błótowskeho zarjadowanja wulce přinošowało

„Poprawom wšak chcychmy wot Lubnjowa hač k Słowjanskemu hrodźišću Raduš kolesować, ale z toho dźensa ničo wjace njebudźe!“ Kaž Christinje Tivador z Königswusterhausena dźěše so wjele ludźom, kotřiž běchu připadnje na Lědach pozastali. Wina na tym běchu mnohe poskitki a putacy program na Lědźanskim swjedźenju, kotryž stajnje nazymu přewjeduja. Při najrjeńšim wjedrje z módrym njebjom a tójšto słóncom bě to mnohim wulkotne dožiwjenje. Wosebje dźěćom so lubješe, předewšěm hdyž kiwachu myta, kaž při kałanju šćukow. Z machotawku, na kotrejž wisaše blachowa šćuka z hozdźikom, dyrbjachu do čorneho trjechić. Šěsćlětnemu Thejej Tivadorej je so to po jenož někotrych pospytach poradźiło a tak móžeše so nad mytom wjeselić. Wulce motiwowany je so hólčec hišće na dalšich hrach wuspytał. Tež za dorosćenych bě wšelka zabawa spřihotowana.

wozjewjene w: Hospodarstwo

Galerija

dalši wobraz (1) Anja Kilka rozłoži swojej dźowce Greće, kak móže z drjewjaneje rołki třěleć. Hra je jedna z mnohich, kotrež bě Lědźanske spěchowanske towarstwo spřihotowało.
dalši wobraz (2) Modele pokazowachu drastu Lubnjowskeje designerki Saryh Gwiszcz.
dalši wobraz (3) Žona pospyta so we wubědźowanju z čołmom, kotryž je ze zdónka dźěłany.
Prošu přizjewće so, chceće-li komentar podać

nawěšk

nowostki LND