Nětko ze shuttlom po puću być poručenje

wutora, 04. decembera 2018
artikl hódnoćić
(0 )
Zo je wobchadnemu předewzaću Wuchodoněmskeje železniskeje towaršnosće (ODEG) dwurěčnosć wažna, dopokazuja dwurěčne popisane tafle podłu noweje čary RB64 mjez Zhorjelcom a Wojerecami. Wčera wozjewichu zdobom oficialne mjeno „Shuttle jězorina-Nysa“, kotrež je tohorunja do serbšćiny přełožene.  Fotomontaža: SN/Maćij Bulank Zo je wobchadnemu předewzaću Wuchodoněmskeje železniskeje towaršnosće (ODEG) dwurěčnosć wažna, dopokazuja dwurěčne popisane tafle podłu noweje čary RB64 mjez Zhorjelcom a Wojerecami. Wčera wozjewichu zdobom oficialne mjeno „Shuttle jězorina-Nysa“, kotrež je tohorunja do serbšćiny přełožene. Fotomontaža: SN/Maćij Bulank

Z nowym jězbnym planom někotre mjeńše a wjetše změny za sobujěducych

Budyšin/Niska (SN/BŠe). Z nowym jězbnym planom wot 9. decembra so hladajo na bliskowobchadne zwiski něštožkuli změni. Často jedna so wo mjeńše změny, kaž su to přesunjenje jězbnych časow abo puće linijow, hdźež su přichodnje přidatne zastanišća předwidźane. Dokładnje wobhonić móža so sobujěducy na internetnych stronach wobchadneho zaměroweho zwjazka Hornja Łužica-Delnja Šleska (ZVON). Prawdźepodobnje najwjetšu změnu pak dožiwja pasažěrojo mjez Wojerecami a Zhorjelcom. Tam budźe zaso ćah Wuchodoněmskeje železnicy ODEG jězdźić. Wčera su nowowutwarjenu čaru w Niskej oficialnje wotewrěli, hdźež dóstachu nimo zastupjerjow politiki a komunow kaž tež zamołwitych Němskeje železnicy dalši zajimcy mjez druhim dohlad do wobšěrneje twarskeje naprawy, za kotruž běchu cyłkownje 520 milionow eurow nałožili.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND