Za spěšny, moderny a wobswětej přihódny zwisk

štwórtk, 29. nowembera 2018
artikl hódnoćić
(0 )
Wodźerjo ćahow Wuchodoněmskeje železnicy tzwr (ODEG) maja drje najlěpši wuhlad na nowu čaru. Bernd-Michael Gries je wje soły, zo smě po wosom lětach přestawki ćah znowa po kolijach wodźić, hdźež ma nětko mjez druhim dobry wid na nowo wutwarjene železni ske přechody.SN/Hanka Šěnec Wodźerjo ćahow Wuchodoněmskeje železnicy tzwr (ODEG) maja drje najlěpši wuhlad na nowu čaru. Bernd-Michael Gries je wje soły, zo smě po wosom lětach přestawki ćah znowa po kolijach wodźić, hdźež ma nětko mjez druhim dobry wid na nowo wutwarjene železni ske přechody.SN/Hanka Šěnec

Wot hodownika ma mjez Wojerecami a Zhorjelcom zaso ćah jězdźić

Wot 9. decembra pojědźe mjez Zhorjelcom a Wojerecami zaso ćah. Zwisk bu po nimale cyłej čarje dospołnje ponowjeny. Přičina toho bě plan Europskeje unije za wutwar železniskich zwiskow. Dźěl toho běše tež linija z mjenom RB64, kotraž tak na nadregionalnym wuznamje nabywa.

Ličby wobjim twarskeje naprawy wotbłyšćuja

Twarsku naprawu je Němska železnica we wjacorych twarskich wotrězkach přewjedła. Kónc decembra 2010 je přede­wzaće za to čaru mjez Wojerecami a Klětnom zawrěło, wot měrca 2013 wotrězk mjez Klětnom a Hórku pola Niskeje. Wobjim­ twarskich wukonow, daty a fakty wotbłyšćuja wuznam noweje čary. Něhdźe­ 200 přistajenych, wot twarskich dźě­łaćerjow, přez technikarjow hač k pro­jektnemu nawodnistwu, bě do naprawy zapřijatych. Podłu čary nasta 1 700 sćežorow za milinowód a 200 000 prě­kušow. Něhdźe 280 000 tonow šotra su nawozyli a připrawichu 16 kilometrow škitneje sćěny.

wozjewjene w: Hospodarstwo

Galerija

dalši wobraz (1) Hišće na Nišćanskim nastupišću podłu čary linije RB64 z połnej paru dźěłaja. Mjez druhim je tam wosobowy tunl nastał.
dalši wobraz (2) Hordy je wodźer ćahow ODEG Bernd-Michael Gries, zo smě jako prěni po nowej čarje mjez Wojerecami a Zhorjelcom jěć.
dalši wobraz (3) Bórze budźe to woprawdźitosć. Potom móža ludźo wot Zhorjelca zaso z ćahom do Wojerec jězdźić.
Prošu přizjewće so, chceće-li komentar podać

Serbska debata

nowostki LND