Lědma mjenje njezbožow z nakładnymi awtami

póndźela, 21. januara 2019
artikl hódnoćić
(0 )
Wot kónca oktobra 2017 je Lkw-jam na awtodróze A 4 do směra na Drježdźany mjez wotbóčku Ohorn a třiróžkom Drježdźany-sewjer zakazane druhe awta přesćahnyć. Ličba njezbožow njeje přiwšěm bytostnje woteběrała.  Foto: Uwe Menschner Wot kónca oktobra 2017 je Lkw-jam na awtodróze A 4 do směra na Drježdźany mjez wotbóčku Ohorn a třiróžkom Drježdźany-sewjer zakazane druhe awta přesćahnyć. Ličba njezbožow njeje přiwšěm bytostnje woteběrała. Foto: Uwe Menschner

Połčnica (UM/SN). Kónc oktobra 2017 zawjedźechu na awtodróze A 4 mjez wotbóčku Ohorn a třiróžkom Drježdźany-sewjer zakaz přesćehnjenja za nakładne awta. Wot toho časa je policija 252 zranjenjow zakaza zwěsćiła. To wuchadźa z wotmołwy sakskeho ministra nutřkowneho Rolanda Wöllera (CDU) na wotpowědne małe naprašowanje Zhorjel­skeho zapósłanca krajneho sejma Mirka Schultzy (Lěwica). Policija je w tej dobje 45 planowanych kontrolow přewjedła. Dźewjeć razow wužiwaše při tym ciwilny bus, štyrnaće króć měješe podpěru z helikoptera. W mjenowanej ličbje 45 njejsu kontrole we wobłuku­ normalnych patruljow zapřijate.

Tuchwilu je do jězbneho směra na Drježdźany mjez wotbóčkomaj Ohorn a Połčnica Lkw-jam zakazane dalše awta přesćahnyć, a to póndźelu wot 7 do 10 hodź., mjez Połčnicu a třiróžkom Drježdźany-sewjer wšědnje wot 7 do 19 hodź. „Do jězbneho směra na Zhorjelc njeje tuchwilu trjeba tajki zakaz postajić“, rěka we wotmołwje ministra.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND