Poručenja wuhloweje komisije a konsekwency w Běłej Wodźe rozjimali
Běła Woda (AK/SN). Zhromadny wuběrk sakskeho a braniborskeho krajneho sejma měł strukturnu změnu we Łužicy aktiwnje přewodźeć. Wobaj zwjazkowej krajej měłoj hromadźe dźěłać. To je Gunda Röstel, bywša zwjazkowa předsydka Zwjazka 90/Zelenych a aktualnje čłonka komisije za rozrost, strukturnu změnu a dźěło, wčera w Běłej Wodźe nastorčiła. Wona a Stanisław Tilich, kopředsyda mjenowaneje komisije a bywši sakski ministerski prezident, běštaj hosćej foruma w sociokulturnym centrumje Telux. Frakcija Zelenych w Sakskim krajnym sejmje poda temu „wuslědki wuhloweje komisije – konsekwency za Łužicu“.
