Na energijowym forumje wo ćopłotny sektor šło

wutora, 19. měrca 2019
artikl hódnoćić
(0 )
Statny minister sakskeho hospodarskeho ministerstwa Stefan Brangs (SPD) wuzběhny, zo je Budyska energijowa centrala dobry přikład, kak sprjewine město z ćopłotnej energiju wobchadźa.  Foto: Carmen Schumann Statny minister sakskeho hospodarskeho ministerstwa Stefan Brangs (SPD) wuzběhny, zo je Budyska energijowa centrala dobry přikład, kak sprjewine město z ćopłotnej energiju wobchadźa. Foto: Carmen Schumann

Budyšin (CS/SN). Na mjeztym 6. energijowym forumje minjeny štwórtk w Budyskim technologiskim a załožerskim centrumje zaběrachu so přitomni tónkróć z energijowej změnu we wobłuku ćopłotneho sektora. Něhdźe połojca přetrjeby energije je za zhotowjenje ćopłoty trěbna, při čimž wučinja podźěl wobnowjomnych energijow jenož 15 procentow.

Statny sekretar sakskeho hospodarskeho ministerstwa Stefan Brangs (SPD) je hosći na forum witał a jim wuswětlił, zo město Budyšin z lěta 2017 poswjećenej energijowej centralu po prawym puću kroči. Budyska měšćanostka za twarstwo Juliane Naumann wuzběhny, zo centrala jara eficientnje dźěła. Mjeztym wobsteji hižo 30 kilometrow dalnoćopłotneje syće. Wutwar žněje wulku akceptancu w ludnosći a dale postupuje. Energijowa bilanca sprjewineho města je so wo dźesać procentow polěpšiła.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND