Ratarjo: Njeje dosć wody poručenje

štwórtk, 04. apryla 2019
artikl hódnoćić
(0 )
Z wulkimi mašinami wobdźěłuja ratarjo při najrjeńšim nalětnim wjedrje swoje zahony, mjez druhim tež Ignac Wjesela z Chrósćic. Dźensa dopołdnja přihotowaše wón blisko Wotrowa polo za wusyw. Najebać to, zo słónco wokřewja, nadźijeja so ratarjo a zawěsće tež zahrodkarjo spadkow. Wšako je póda chětro sucha.  Foto: Feliks Haza Z wulkimi mašinami wobdźěłuja ratarjo při najrjeńšim nalětnim wjedrje swoje zahony, mjez druhim tež Ignac Wjesela z Chrósćic. Dźensa dopołdnja přihotowaše wón blisko Wotrowa polo za wusyw. Najebać to, zo słónco wokřewja, nadźijeja so ratarjo a zawěsće tež zahrodkarjo spadkow. Wšako je póda chětro sucha. Foto: Feliks Haza

Nalětnje dźěła na hornjołužiskich polach dawno zahajene

Njebjelčicy/Hózk/Róžant (SN/BŠe). Woprawdźitu zymu drje minjene měsacy dožiwili njejsmy, štož je za ratarjow zawěsće wužitne. We Łužicy bě dosć spadkow a jenož mało periodow kruteho zmjerzka. Tak su rostliny zymu zwjetša bjez škodow přetrali. Hižo nazymu běchu burja žito wusyli, rěpik samo hižo trochu prjedy. Nětko nalěto maja so schadźenki hnojić a škitać. Wone trjebaja wutki, zo móhli dale rosć a mocy nabyć, zo bychu mjez druhim před škódnikami škitane byli.

Na łužiskich honach su ratarjo ze swojimi wulkimi mašinami tuchwilu po puću a swoje pola wobdźěłuja. Wjedro wšak skići za to bjezdwěla najlěpše wuměnjenja. To měni tež młody ratar Ignac Wjesela z Chrósćic, wobhospodarjacy zahony wokoło Njebječic. Nazymu je wón tam hižo krupnik (Dinkel) a rožku wusył. „Rostliny su zymu relatiwnje derje přetrali“, wón rozprawja. Mjeztym je hižo wows na swojich polach wusył. Spočatk meje slěduje potom hišće kukurica. Nětko nadźija so wjele słónca a dešća, zo móhli so rostliny derje wuwić.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND